“Səbail” qələbəni son anda əldən verdi

“Səbail” qələbəni son anda əldən verdi

Topaz Premyer Liqasının XXIV turu çərçivəsində “Səbail” bu gün “ASCO Arena”da “Neftçi” ilə qarşılaşıb.
Hər iki komandanın cəhdlərinə baxmayaraq, birinci hissədə qapılara qol vurulmayıb.
Fasilədən sonra – 50-ci dəqiqədə Mirabdulla Abbasov fərqlənərək qonaqları hesabda irəli çıxarıb. Oyunun növbəti yarım saatı ərzində də qolsuzluq sükutu pozulmayıb. 81-ci dəqiqədə Ədilxan Qaraəhmədov uzaq məsafədən qapını dəqiq nişan alaraq hesabda tarazlıq yaradıb. 4 dəqiqə sonra Ağabala Ramazanov qapıçı ilə təkbətək epizoddan maksimum yararlanmaqla komandamızı hesabda irəli çıxarıb.
Yekun hesabı müəyyənləşdirən qolu hakimin oyunun vaxtına əlavə etdiyi 6-cı dəqiqədə Mamadu Mbodj vuraraq “Neftçi”ni məğlubiyyətdən xilas edib.
Beləliklə, “Səbail” – “Neftçi” oyunu 2:2 hesabı ilə başa çatıb.