Rahid Əmirquliyevə xatirə hədiyyəsi təqdim edilib

Azərbaycan futbolunun ən istedadlı nümayəndələrindən olan Rahid Əmirquliyev karyerasını başa vurub. Futbolçu kimi son komandası "Səbail” olan Rahid bundan sonra klubumuzun Futbol Akademiyasında məşqçi olaraq çalışacaq. Misli Premyer Liqasının 1-ci turu çərçivəsində keçirilən  “Səbail” – “Sumqayıt” oyunundan bir qədər öncə klubumuzun İcraçı direktoru Firuz Abdulla sabiq kapitanımıza xatirə hədiyyəsi təqdim edib.

Rahid Əmirquliyev karyerası ərzində Azərbaycan çempionatları tarixində 451, 2018-ci ildən etibarən “Səbail”də isə 120 qarşılaşmada meydana çıxıb.