Komandamız "Araz-Naxçıvan"la qarşılaşıb

2 dekabr 2023. Saat 16:00. “Dalğa Arena”, 120 tamaşaçı
Baş hakim: Rəvan Həmzəzadə
Baş hakimin köməkçiləri: Elşad Abdullayev, Rəhman İmami
Dördüncü hakim: Kamran Əliyev
VAR: Əliyar Ağayev
AVAR: Zeynal Zeynalov
Hakim-inspektor: İmanxan Sultano
AFFA nümayəndəsi: Namiq Əliyev
Sarı vərəqələr: Vadim Abdullayev, 14 (qeyri-idman hərəkəti) // Vüqar Həsənov, 28 (qeyri-idman hərəkəti); Yadin Luqasi, 85 (qeyri-idman hərəkəti); Adi Mehremiç, 88 (qeyri-idman hərəkəti)
Qollar: Kadiri Mohammed, 18 // Numan Kurdiç, 90+3 (ö.q.)
Artırılan vaxt: I hissədə 3 dəq; II hissədə 4 dəq.

“Araz-Naxçıvan”: 12. Kristian Avram, 6. Vadim Abdullayev, 10. Orxan Əliyev (7. Nicat Süleymanov, 63), 3. Turan Manafov, 2. Abdulla Rzayev, 29. Vanderson Melo, 23. Nuno Rodriqes, 42. Kadiri Mohammed (9. Elvis Maşike, 72), 4. İqor Ribeyro, 8. İsmail Azzaui (14. Miço Kuzmanoviç, 50), 27. Numan Kurdiç (k)

Ehtiyat oyunçular: 91. Semir Bukviç, 39. Tural Bayramlı, 22. Elçin Mustafayev, 5. Nihad Qurbanlı, 55. Zamiq Əliyev, 88. Tuqay Əlizadə, 11. Bayraməli Qurbanov, 13. Mirəli Əhmədov, 19. Aksel Nqando

Baş məşqçi: Azər Bağırov

“Səbail”: 1. Səlahət Ağayev (k), 74. Yusif Nəbiyev (8. Bahadur Həziyev, 82), 15. Vüqar Həsənov (17. Rafael Məhərrəmli, 46), 11. Rüfət Abdullazadə, 88. Valdemar Almeyda (44. Yadin Luqasi, 63), 4. Adi Mehremiç, 99. David Qomis, 90. Aleksandr Ramalinqom (9. Amil Yunanov, 87), 27. Pedro Nuno (19. Samir Abdullayev, 87), 55. Nir Bardea, 21. Anas Najah.

Ehtiyat oyunçular:

12. Hüseynəli Quliyev, 5. Adil Nağıyev, 3. Silvayin Deslandes.

Baş məşqçi: Şahin Diniyev

Misli Premyer Liqasında 15-ci turun oyunları keçirilib. "Səbail" səfərdə "Araz-Naxçıvan"la üz-üzə gəlib. Qarşılaşmada hesabı meydan sahibləri açıb. 18-ci dəqiqədə Mohammed Kadiri fərqlənməklə komandasını önə çıxarıb. İlk hissə rəqibin minimal hesablı üstünlüyü ilə başa çatıb. İkinci hissəyə sürətli başlayan komandamız bir neçə qol şansından yararlana bilməyib. Şahin Diniyevin yetirmələri görüşün son dəqiqəsində təzyiqi artırıb. 90+3 dəqiqədə Numan Kurdiçin avtoqolu ilə "Səbail" "Araz-Naxçıvan"la matçdan 1 xal qazanmağı bacarıb.

Şahin Diniyev (“Səbail” PFK-nın baş məşqçisi):  "Oyun gərgin və əsəbi getdi. Sürətin azlığı, tempin olmaması görünürdü. Məncə, biz ilk 15 dəqiqəyə yaxşı başladıq, iki qol vəziyyətdən istifadə etsəydik, oyun tamamilə başqa formada gedəcəkdi. Sadəcə futbolçularımızın kobud səhvindən sonra qol buraxdıq və toparlana bilmədik, əsəbi futbol oynayırdıq. Futbolçularım bacardıqlarını da edə bilmirdilər. Elə futbolçumuz var ki, texniki cəhətdən idealdır, amma o sarıdan da problemi olurdu. Ad çəkmək istəmirəm. Komanda sanki bataqlığa batdı, amma çıxa bilmədi. Fasilədə də istədim ki, oyunçularımın psixoloji durumunu yaxşılaşdırım, sakitləşdirim onları. Ki, ayaqları işləyə bilsin. Bu da alınmadı. İkinci yarıda oyunun tempi hər dəfə düşdükcə, dəqiqələr getdikcə, futbolçularda vahimə yaşanırdı, təşviş var idi. Bu da futbol oynamağımıza imkan vermədi. Bir xal bizim üçün vacibdir. Turnir cədvəli baxımından belədir. "Araz-Naxçıvan"a gələcəkdə uğurlar azrulayıram və oyuna görə onlar təşəkkür edirəm".