Akademiya üzvlərinə təlim proqramları keçirilib

"Səbail" Futbol Akademiyasının U-19, U-17, U-16 və U-15 komandalarının üzvlərinə 2023-cü il 5-6 dekabr tarixlərində “Danışılmış oyunlar” və “İrqçiliyə qarşı mübarizə” üzrə təlim proqramları təşkil edilib. Ardıcıl iki gün baş tutan tədbirlərdə əvvəlcə U-19 və U-17, ardınca isə U-16 və U-15 komandalarımız seminara qatılıb. “ASCO Arena”nın akt zalında təşkil edilmiş tədbirlərdə gənc və yeniyetmə futbolçulara dünya futbolunun əsas bəlalarından olan irqçilik və danışılmış oyunlar mövzularında ətraflı məlumat verilib. Görüş zamanı adıçəkilən mövzularda xüsusi təqdimatlar edilib, maarifləndirici çıxışlar aparılıb, aidiyyəti üzrə mövzular geniş müzakirə olunmaqla yanaşı, gənc futbolçularla fikir mübadiləsi də aparılıb.