"Səbail" səfərdə "Sabah"la qarşılaşıb

10 dekabr 2023. Saat 15:00. “Bank Respublika Arena”, 1100 tamaşaçı
Baş hakim: Elçin Məsiyev
Baş hakimin köməkçiləri: Vüsal Məmmədov, Şirmamed Mamedov
Dördüncü hakim: Emin Əliyev
VAR: Fərid Hacıyev
AVAR: Müslüm Əliyev
Hakim-inspektor: Rəhim Həsənov
AFFA nümayəndəsi: Elçin Məmmədov
Sarı vərəqələr: Nir Bardea, 38 (qeyri-idman hərəkəti); Aleksandr Ramalinqom, 42 (qeyri-idman hərəkəti)
Qollar: Sofian Çakla, 8, 22; Cesse Sekidika, 28; Vinsent Til, 59
Artırılan vaxt: I hissədə 2 dəq; II hissədə 3 dəq.

“Sabah”: 55. Nicat Mehbalıyev (1. Yusif İmanov, 68), 10. Aleksey İsayev (k), 9. Anatoli Nuriyev (77. Namik Ələskərov, 73), 2. Amin Seydiyev, 15. Kristian da Silva, 24. Maruan Hadudi, 14. İshak Belfodil (19. Emmanuel Apeh, 68), 7. Boyan Letiç, 44. Sofian Çakla, 70. Cesse Sekidika (8. Ayaz Quliyev, 73), 12. Vinsent Til (28. Kahim Parris, 60). 

Ehtiyat oyunçular: 16. Rustam Samigullin, 4. Elvin Camalov, 17. Tellur Mütəllimov, 5. Rəhman Daşdəmirov, 33. Camal Cəfərov, 53. Fəxri Məmmədli, 3. Con İrasabal

Məşqçi: Artur Olenin

“Səbail”: 1. Səlahət Ağayev (k), 74. Yusif Nəbiyev, 17. Rafael Məhərrəmli (8. Bahadur Həziyev, 46), 11. Rüfət Abdullazadə (34. Taleh Qarayev, 78), 88. Valdemar Almeyda, 4. Adi Mehremiç, 99. David Qomis (44. Yadin Luqasi, 16), 90. Aleksandr Ramalinqom (19. Samir Abdullayev, 78), 27. Pedro Nuno, 55. Nir Bardea (3. Silvayin Deslandes, 78), 21. Anas Najah

Ehtiyat oyunçular: 12. Hüseynəli Quliyev, 9. Amil Yunanov, 5. Adil Nağıyev, 15. Vüqar Həsənov, 38. Zeynəddin Abdurahmanov, 16. Emin Rüstəmov

Baş məşqçi: Şahin Diniyev

Misli Premyer Liqasında 16-cı turun oyunları keçirilib. Komandamız səfərdə "Sabah"la qarşılaşıb. Oyun meydan sahiblərinin 4:0 hesablı qələbəsi ilə başa çatıb.

Şahin Diniyev (“Səbail” PFK-nın baş məşqçisi): "Oyun haqda geniş danışmaq istəmirəm. Hər bir komponentdə “Sabah”a uduzduq. Komanda meydana çıxanda sanki artıq hazır deyildi, qorxurdu. Durum o yerdədir ki, qalan oyunları birtəhər yola verməliyik. “Turan Tovuz”la matçdan sonra böyük problemlərimiz var. Oyunçu qıtlığını deyirəm. Artıq üçüncü oyunçumuz əməliyyata yollanacaq. Rotasiya üçün böyük heyətimiz yoxdur. Problemlərimiz çoxdur. David Qomis də olmayacaq. İki oyunu başa vurmalıyıq. Yəqin ki, transferlər edəcəyik. 16 turda ilk dəfə idi ki, birinci hissəni belə keçirirdik. Heç vaxt belə olmamışdı. Komandadan, nəticədən və oyunumuzdan narazıyam. Futboldur da, dünyanın axırı deyil ki. Hər komandada eniş olur. Bizdə də həmin eniş gedir. İki oyunu uğurla başa vurmaq istəyirik. 4-5-ci yerlərdəyik. Artıq ehtiyatımız qalmayıb. İtkilərə baxmayaraq, qarşıdakı iki oyuna və kubok matçına hazırlaşmalıyıq".