Komandamız "Qəbələ"yə qalib gəldi

15 dekabr 2023. Saat 13:00. “ASCO Arena”, 200 tamaşaçı
Baş hakim: Rauf Cabarov
Baş hakimin köməkçiləri: Müslüm Əliyev, Asiman Əzizli
Dördüncü hakim: Emin Əliyev
VAR: Tural Qurbanov
AVAR: Kamran Bayramov
Hakim-inspektor: Zöhrab Qədiyev
AFFA nümayəndəsi: Anar Şixəliyev
Sarı vərəqələr: Pedro Nuno, 8 (qeyri-idman hərəkəti); Bahadur Həziyev, 45+2 (qeyri-idman hərəkəti); Adil Nağıyev, 50 (qeyri-idman hərəkəti) // İlkin Qırtımov, 6 (qeyri-idman hərəkəti); Asif Məmmədov, 87 (qeyri-idman hərəkəti)
Qırmızı vərəqə: Samuel Tetteh, 36 (təcavüzkar davranış)
Qollar: Yadin Luqasi, 18; İlkin Qırtımov, 52 (ö.q.); Aleksandr Ramalinqom, 60 (p.)
Artırılan vaxt: I hissədə 3 dəq; II hissədə 2 dəq.

“Səbail”: 12. Hüseynəli Quliyev, 74. Yusif Nəbiyev (k), 8. Bahadur Həziyev (17. Rafael Məhərrəmli, 46),11. Rüfət Abdullazadə, 88. Valdemar Almeyda
(19. Samir Abdullayev, 73), 4. Adi Mehremiç, 90. Aleksandr Ramalinqom (9. Amil Yunanov, 80), 27. Pedro Nuno (48. Ayaz Mikayılov, 73), 3. Silvayin Deslandes (5. Adil Nağıyev, 46), 21. Anas Najah, 44. Yadin Luqasi.

Ehtiyat oyunçular: 1. Səlahət Ağayev, 15. Vüqar Həsənov, 38. Zeynəddin Abdurahmanov, 34. Taleh Qarayev, 16. Emin Rüstəmov.

Baş məşqçi: Şahin Diniyev

“Qəbələ”: 1. Rəşad Əzizli, 11. Asif Məmmədov, 2. İlkin Qırtımov, 34. Urfan Abbasov, 14. Ülvi İsgəndərov (10. Omar Hani, 75), 5. Rauf Hüseynli, 20. Bilel Auaşeriya, 4. Lukas Afriko, 19. Samuel Tetteh, 9. Əyyub Allaş, 72. Osama Xalayla (18. Mehrac Baxşalı, 85)

Ehtiyat oyunçular: 13. Kristof Atanqana, 36. Elməddin Sultanov, 28. Murad Musayev, 12. Nicat Əliyev, 33. Hüseyn Mürsəlov, 30. Şahin Şahniyarov, 17. Yaovi Akakpo

Baş məşqçi: Elmar Baxşıyev

Misli Premyer Liqasında 17-ci turun oyunları keçirilib. "Səbail" "ASCO Arena"da "Qəbələ" ilə qarşılaşıb. Oyuna sürətli başlayan  "dənizçilər" 18-ci dəqiqədə Yadin Luqasinin  qolu ilə hesabı açıb. İlk hissə bu hesabla yekunlaşıb. İkinci hissəyə hücumlarla başlayan Şahin Diniyevin yetirmələri 52-ci dəiqədə fərqi 2 topa çatdıırb. Rafael Məhərrəmlinin cərimə meydançası daxilinə etdiyi ötürməni İlkin Qırtımov öz qapısına ünvanlayıb. 8 dəqiqə sonra hesab tablosu yenidən dəyişib. Aleksandr Ramalinqom penaltini dəqiq yerinə yetirib. Görüşdə başqa qol olmayıb. Beləliklə, komandamız "Qəbələ"ni 3:0 hesabı ilə məğlub edib. 

Şahin Diniyev (“Səbail” PFK-nın baş məşqçisi):  "Bizim üçün çox əsəbi oyun idi. 4 matçdır qələbə qazana bilmirdik. Dünyanın istənilən yerində komandarda eniş olur. Gərgin oyun idi. Futbolçuların içində həyəcan, qorxu hiss olunurdu. Bunu çıxarmaq lazım idi. Düşünürəm ki, bu gün komanda rahat oynadı. Ağıllı futbol oynayaraq layiqli qələbə qazandıq. Yolumuz uzundur. Bu yolda eniş də var, yoxuş da. Düzgün istiqamət tutmuşuq. Bunu davam etdirmək lazımdır. Qışda bir az da güclənməliyik. "Qəbələ"yə uğurlar arzulayıram. Onlar sonuncu olmağa layiq deyillər".