Qızlar komandamızla görüş keçirilib

Qadınlardan ibarət Azərbaycan milli komandasının kapitanı Sevinc Cəfərzadə “Səbail” PFK-nın U-14 qızlar komandasının məşqi zamanı futbolçularımızla görüşüb. Tədbirdə ilk öncə baş məşqçimiz Ehtibar Həsənov futbolçu heyətinə millimizin UEFA Millətlər Liqasında uğurlu çıxışı haqqında məlumat verib, qələbənin Azərbaycan qadın futbolu üçün mühüm əhəmiyyət daşıdığını vurğulamaqla yanaşı milli komandamıza AÇ-nin seçmə mərhələsində uğurlar arzulayıb. Görüş zamanı yığmamızın üzvü Sevinc Cəfərzadə futbolçularımıza öz məsləhətlərini verib, onların suallarını cavalandırıb, futbolçular arasında fikir mübadiləsi aparılıb. Sonda xatirə fotosu çəkdirilib.