Komandamız "Şamaxı"ya qalib gəldi

Azərbaycan Kuboku, 1/8 final mərhələsi
20 dekabr 2023. Saat 14:00. “ASCO Arena”. 100 tamaşaçı
Baş hakim: Tural Qurbanov
Baş hakimin köməkçiləri: Rahil Ramazanov, Zöhrab Abbasov
Dördüncü hakim: Rövşən Rəcəbov
VAR: Rauf Cabarov
AVAR: Kamranbəy Rəhimov
Hakim-inspektor: Barış Şimşek
AFFA nümayəndəsi: Bəhram Qurbanov
Sarı vərəqələr: Rüfət Abdullazadə, 75 (qeyri-idman hərəkəti) // Salman Ələsgərov, 32 (qeyri-idman hərəkəti)
Qollar: Amil Yunanov, 23 (p.), 45; Pedro Nuno, 50; Rüfət Abdullazadə, 56, 80; Adi Mehremiç, 90+2
Artırılan vaxt: I hissədə 1 dəq; II hissədə 2 dəq.

“Səbail”: 1. Səlahət Ağayev, 9. Amil Yunanov, 5. Adil Nağıyev (k) (4. Adi Mehremiç, 65), 15. Vüqar Həsənov, 8. Bahadur Həziyev, 17. Rafael Məhərrəmli (74. Yusif Nəbiyev, 46), 19. Samir Abdullayev, 38. Zeynəddin Abdurahmanov (27. Pedro Nuno, 46), 34. Taleh Qarayev, (88. Valdemar Almeyda, 46), 16. Emin Rüstəmov, 44. Yadin Luqasi (11. Rüfət Abdullazadə, 46)

Ehtiyat oyunçular: 12. Hüseynəli Quliyev, 48. Ayaz Mikayılov, 42. Adəm Topalov, 62. Zaman Zamanlı, 90. Aleksandr Ramalinqom, 21. Anas Najah
 

Baş məşqçi: Şahin Diniyev

“Şamaxı”: 1. Əkpər Vəliyev, 77. İbrahim Aslanlı (20. Əli Mürsəlov, 46), 21. Abbas Ağazadə (99. Cəlal Cəbrayılov, 59), 80. Zahid Mərdanov
4. Kənan Quliyev (88. Elçin Qasımov, 59), 13. Ramin Əhmədov (k), 44. Salman Ələsgərov (72. Xəyyam Hüseynov, 74) 97. Elşad Tağıyev
11. Samir Məhərrəmli (8. Edqar Adilxanov, 89), 74. Süleyman Damadayev, 9. Qurban Səfərov

Ehtiyat oyunçular: 62. Abdulla Seydəhmədov, 22. Sahib Həsənov, 17. Elçin Rəhimli, 23. Rövşən Şahmuradov, 7. Emil Qasımov, 56. Samir Ağayev, 3. Əbil Əbilov

Baş məşqçi: Ramiz Məmmədov

Azərbaycan Kubokunda 1/8 final mərhələsinin oyunları keçirilib. "Səbail" "ASCO Arena"da "Şamaxı" ilə qarşılaşıb. Görüş komandamızın 6:0 hesablı qələbəsi ilə yekunlaşıb. "Dənizçilər" bununla da adını 1/4 finala yazdırıb.

Şahin Diniyev (“Səbail” PFK-nın baş məşqçisi): "Hesab bizi aldatmasın. 6:0 olsa da, asan qələbə deyildi. Belə oyunlar çox çətindir. Motivasiya tam başqa olur. Futbolçuları aşağı liqa komandalarına qarşı oyuna kökləmək çox çətindir. Psixoloji cəhətdən özlərini yuxarıda hiss edirlər. Oyunçulara başa saldıq ki, "Şamaxı" yaxşı komandadır, yüksək səviyyəli oyunçuları var. Şadam ki, futbolçularım bunu anladı və oyuna ciddi yanaşdılar. Bizim də problemlərimiz böyükdür. Əsas heyətin 7-8 futbolçusu yoxdur. Bu, kiçik komanda üçün böyük itkilərdir. Bu il bir oyunumuz qalıb. Sıx qrafikdəyik. Çalışdım ki, heç bir futbolçu oyun ritmindən düşməsin. Bərpa olunmaq üçün vaxtımız da yoxdur. Son turda da uğurlu çıxış etməyə çalışacağıq. "Sumqayıt" 18-də oynamışdı, biz bu gün oynadıq. Üç gündən sonra matç var. Çempionatın axırıdır, hər bir futbolçuda çemodan əhval-ruhiyyəsi var".