"Səbail" "Sumqayıt"la qarşılaşıb

23 dekabr 2023. Saat 18:30. “Kapital Bank Arena”, 1300 tamaşaçı
Baş hakim: Rəşad Əhmədov
Baş hakimin köməkçiləri: Elşad Abdullayev, Pərvin Talıbov
Dördüncü hakim: Rauf Allahverdiyev
VAR: Elçin Məsiyev
AVAR: Kamran Bayramov
Hakim-inspektor: Vüsal Əliyev
AFFA nümayəndəsi: Asif Əliyev
Sarı vərəqələr: Vüqar Mustafayev, 68 (qeyri-idman hərəkəti) // Yadin Luqasi, 63 (qeyri-idman hərəkəti); Rafael Məhərrəmli, 82 (qeyri-idman hərəkəti)
Qol: Adi Mehremiç, 70 (ö.q.)
Artırılan vaxt: I hissədə yoxdur; II hissədə 6 dəq.

“Sumqayıt”: 1. Mehdi Cənnətov, 6. Vüqar Mustafayev (k), 14. Elvin Bədəlov, 7. Rövlan Muradov, 17. Murad Xaçayev, 8. Səbuhi Abdullazadə, 19. Roi Kehat (11. Kasimir Ninqa, 77) (58. Oktavio Manteka, 80), 12. Abu Dosso,10. Kamran Aliev, 9. Erik Sorqa, 71. Masaki Murata (60. Tresor Mossi, 73). 

Ehtiyat oyunçular: 15. Orxan Sadıqlı, 32. Murad Ağamalıyev, 30. Kamran Quliyev, 20. Ayxan Süleymanlı, 21. Nihad Əhmədzadə, 35. Sənan Muradlı

Baş məşqçi: Samir Abasov

“Səbail”: 1. Səlahət Ağayev, 5. Adil Nağıyev (k), 74. Yusif Nəbiyev, 17. Rafael Məhərrəmli (9. Amil Yunanov, 84), 11. Rüfət Abdullazadə (19. Samir Abdullayev, 77), 88. Valdemar Almeyda, 4. Adi Mehremiç, 90. Aleksandr Ramalinqom, 27. Pedro Nuno, 21. Anas Najah, 44. Yadin Luqasi. 

Ehtiyat oyunçular: 12. Hüseynəli Quliyev, 15. Vüqar Həsənov, 8. Bahadur Həziyev, 38. Zeynəddin Abdurahmanov, 34. Taleh Qarayev, 16. Emin Rüstəmov, 48. Ayaz Mikayılov

Baş məşqçi: Şahin Diniyev

Misli Premyer Liqasında 18-ci turun oyunları keçirilib. "Səbail" səfərdə "Sumqayıt"la qarşılaşıb. Komandamız ilk hissəyə hücumlarla başlasa da, fürsətləri qola çevirə bilməyib. Birinci hissə qolsuz bərabərliklə başa çatıb. İkinci hissədə fərqlənən rəqib görüşdə minimal hesablı qələbə qazanıb.

Şahin Diniyev (“Səbail” PFK-nın baş məşqçisi):   "Oyun haqda danışmaq asan və çətindir. Şikayətlənməyi sevməyən məşqçiyəm. Amma kiçik komandayıq, birdən-birə altı nəfərin olmaması böyük faciədir. Nə oyunu dəyişmək olur, nə də gücləndirmək. Futbolçulara təşəkkür edirəm. Dominant futbol oynadıq. Sadəcə, bəxtsizliyə görə uduzduq. Elə oyunlar olub ki, layiq olmamışıq, amma qalib gəlmişik. Məğlubiyyətə layiq deyildik. Yaxşı oynadıq. Topa nəzarət bizdə idi, keyfiyyətli oynadıq. 18-ci tur olsa da, komandamızda güc var idi. "Sumqayıt"ı təbrik edirəm. Matç həm onlar, həm də bizim üçün vacib idi. Çox uzaqda deyilik. Yolumuza davam edəcəyik. Toplanışımız olacaq. Mütləq güclənəcəyik.İki-üç oyunçu gələcək.  Güclənəcəyik deyəndə ki, həm Ağabala Ramazanov, həm də David Qomis mövsümü başa vurub. Onların yerini doldurmaq üçün belə addım atacağıq. Onlar olsaydı, buna ehtiyac yox idi. "Səbail" düzgün yoldadır, komandanın xarakteri var. "Sumqayıt" elə-belə komanda deyil. Onları bu heyətlə qapılarına otuzdurduq".