Akademiya üzvlərinə təlim proqramları keçirilib

"Səbail" Futbol Akademiyasının U-19, U-17, U-16 və U-15 komandalarının üzvlərinə 2023-cü il 27 dekabr tarixində “Dopinqə qarşı mübarizə” və “Oyun qaydaları” üzrə təlim proqramları təşkil edilib. “ASCO Arena”nın akt zalında təşkil edilmiş tədbirlərdə gənc futbolçulara idmanın əsas bəlalarından olan dopinq və yeni oyun qaydaları mövzularında ətraflı məlumat verilib. Görüş zamanı adıçəkilən mövzularda xüsusi təqdimatlar edilib, maarifləndirici çıxışlar aparılıb, aidiyyəti üzrə mövzular geniş müzakirə olunmaqla yanaşı, gənc futbolçularla fikir mübadiləsi də aparılıb.