Misli Premyer Liqasının 2023-2024-cü il mövsümünün hazırlığını Antalyada davam etdirən “Səbail” PFK ilk yoxlama oyununu yanvarın 12-də keçirəcək. Şahin Diniyevin rəhbərlik etdiyi komanda Rumıniya Superliqa təmsilçisi “Universitatea Cluj”la üz-üzə gələcək. Oyun yerli vaxtla 17:00 (Bakı vaxtı ilə 18:00) “İS Santai Hotel”inin meydançalarında keçiriləcək.
Qeyd edək ki, yanvarın 5-də Antalyaya yola düşən “Səbail” PFK plan üzrə gündə iki dəfə olmaqla təlim-məşq toplanışını davam etdirir. Komandamız Türkiyədə ikinci yoxlama matçını isə yanvarın 15-də keçirəcək. Bu dəfə rəqibimiz Rusiya Premyer Liqa təmsilçisi “Fakel” olacaq.