“Səbail” Keniya millisinin üzvünü heyətinə qatıb

“Səbail” PFK qış transfer dönəmində növbəti futbolçunun keçidini reallaşdırıb. Komandamız Madi Quetanın ardından keniyalı futbolçu Ayub Masika ilə mövsümün sonuna qədər müqavilə imzlayıb. Son olaraq, Çinin 2-ci liqa klubu “Nanjinq Siti”də çıxış etmiş 31 yaşlı yarımmüdafiəçi karyerası ərzində “Genk”, “Lierse”, “Beinjing Renhe”, “Ridinq”, “Vissel Kobe”, “Buriram Yunayted” klublarının şərəfini qoruyub. Keniya millisinin üzvü olan Masika 28 qarşılaşmada 4 qola imza atıb.