Komandamız "Zirə" ilə qarşılaşıb

22 yanvar 2024. Saat 15:00. “ASCO Arena”, 140 tamaşaçı
Baş hakim: Fərid Hacıyev
Baş hakimin köməkçiləri: Kamran Bayramov, Rəhman İmami
Dördüncü hakim: Səbuhi Bayramov
VAR: İnqilab Məmmədov
AVAR: Zeynal Zeynalov
Hakim-inspektor: Babək Quliyev
AFFA nümayəndəsi: Zümrüd Ağayeva
Sarı vərəqələr: Valdemar Almeyda, 20 (qeyri-idman hərəkəti); Adil Nağıyev, 74 (qeyri-idman hərəkəti); Adi Mehremiç, 90+1 (qeyri-idman hərəkəti); Yadin Luqasi, 90+4 (qeyri-idman hərəkəti) // Ruan Renato, 13 (qeyri-idman hərəkəti); Pyer Zebli, 54 (qeyri-idman hərəkəti); Rafael Utziq, 55 (qeyri-idman hərəkəti)
Qol: yoxdur
Artırılan vaxt: I hissədə 1 dəq; II hissədə 7 dəq.

“Səbail”: 12. Hüseynəli Quliyev, 5. Adil Nağıyev (k), 74. Yusif Nəbiyev, 17. Rafael Məhərrəmli, 11. Rüfət Abdullazadə (7. Madi Queta, 84), 88. Valdemar Almeyda, 4. Adi Mehremiç, 9. Aleksandr Ramalinqom (19. Samir Abdullayev, 90+2), 27. Pedro Nuno (44. Yadin Luqasi, 89), 3. Silvayin Deslandes, 21. Anas Najah.

Ehtiyat oyunçular: 25. Nicat Məmmədzadə, 6. Cabir Əmirli, 15. Vüqar Həsənov, 8. Bahadur Həziyev, 38. Zeynəddin Abdurahmanov, 34. Taleh Qarayev, 16. Emin Rüstəmov

Baş məşqçi: Şahin Diniyev
 

“Zirə”: 97. Tiaqo Silva, 10. Rəhim Sadıxov, 32. Qismət Alıyev (k), 16. Fuad Bayramov, 29. Ceyhun Nuriyev (9. Vladislav Kulaç, 78), 5. Stefan Aka, 4. Ruan Renato, 23. Rafael Utziq (70. İssa Cibrila, 67), 15. Pyer Zebli, 28. Abbas İbrahim, 19. Salifu Suma, (11. Rüstəm Əhmədzadə, 67) (8. İlkin Muradov, 85).

Ehtiyat oyunçular: 41. Anar Nəzirov, 50. Səlim Həşimov, 21. Hacıağa Hacılı, 66. Pərviz Azadov, 52. Emil Bayramov, 87. İlqar Əhmədov, 64. Mahmud Ağayev.

Baş məşqçi: Rəşad Sadıqov

Misli Premyer Liqasında 19-cu turun oyunları keçirilib. "Səbail" "ASCO Arena"da "Zirə" ilə qarşılaşıb. Oyuna yaxşı başlayan komandamız bir neçə qol fürsətindən yararlana bilməyib. İlk hissə 0:0 hesablı heç-heçə ilə yekunlaşıb. İkinci hissəyə sürətli başlayan "dənizçilər" bir neçə qol epizodu yaratsa da, cəhdlər nəticəsiz qalıb. Şahin Diniyevin yetirmələri sonadək mübarizə aparsa da, rəqib qapısına yol tapa bilməyib və oyun qolsuz bərabərliklə başa çatıb. 

Şahin Diniyev (“Səbail” PFK-nın baş məşqçisi): "Bu gün dinamik oyun var idi. Hər iki komanda həm hücumda, həm də müdafiədə taktiki cəhətdən savadlı oynamağ çalışırdı. Belə havada topa nəzarət etmək çətindir. İkinci yarıda futbolçularım topu yerə salaraq, nəzarət etməyə çalışırdı. Futbolçularıma təşəkkür edirəm ki, bacardıqlarından da çoxunu etdilər. Meydanda komanda şəklində xarakter göstərə bildik. Fasilədən sonra ilk oyunumuz idi. Heç-heçə oyuna yaraşırdı".