"Səbail" kubokda "Zirə" ilə qarşılaşıb

Azərbaycan Kuboku, 1/4 final mərhələsi ilk oyun
30 yanvar 2024. Saat 15:00. “ASCO Arena”. 200 tamaşaçı
Baş hakim: İnqilab Məmmədov
Baş hakimin köməkçiləri: Rahil Ramazanov, Rəhman İmami
Dördüncü hakim: Kamran Əliyev
VAR: Rauf Allahverdiyev
AVAR: Eyyub İbrahimov
Hakim-inspektor: Rövşən Əhmədov
AFFA nümayəndəsi: Nəriman Axundov
Sarı vərəqə: Bahadur Həziyev, 28 (qeyri-idman hərəkəti)
Qollar: Aleksandr Ramalinqom, 70 //  Anas Najah, 48 (ö.q.); Ruan Renato, 60
Artırılan vaxt: I hissədə 1 dəq; II hissədə 8 dəq.

“Səbail”: 12. Hüseynəli Quliyev, 5. Adil Nağıyev (k), 74. Yusif Nəbiyev, 8. Bahadur Həziyev (6. Cabir Əmirli, 60), 88. Valdemar Almeyda, 4. Adi Mehremiç, 77. Ayub Masika
(44. Yadin Luqasi, 76), 9. Aleksandr Ramalinqom, 27. Pedro Nuno (19. Samir Abdullayev, 90+1), 21. Anas Najah, 7. Madi Queta (11. Rüfət Abdullazadə, 60)

Ehtiyat oyunçular: 25. Nicat Məmmədzadə, 15. Vüqar Həsənov, 17. Rafael Məhərrəmli, 38. Zeynəddin Abdurahmanov, 34. Taleh Qarayev, 16. Emin Rüstəmov, 55. Nir Bardea, 3. Silvayin Deslandes

Baş məşqçi: Şahin Diniyev

“Zirə”: 97. Tiaqo Silva, 77. Məqsəd İsayev, 10. Rəhim Sadıxov (70. İssa Cibrila, 73), 32. Qismət Alıyev (k), 21. Hacıağa Hacılı (15. Pyer Zebli, 85), 5. Stefan Aka, 4. Ruan Renato, 23. Rafael Utziq (9. Vladislav Kulaç, 63), 28. Abbas İbrahim, 6. Eldar Quliyev (29. Ceyhun Nuriyev, 63), 19. Salifu Suma (16. Fuad Bayramov, 85)

Ehtiyat oyunçular: 41. Anar Nəzirov, 50. Səlim Həşimov, 8. İlkin Muradov, 20. İsmayıl İbrahimli, 66. Pərviz Azadov, 52. Emil Bayramov, 44. Dmitrios Çantakias

Baş məşqçi: Rəşad Sadıqov

Azərbaycan Kubokunun 1/4 final mərhələsinin ilk oyunları keçirilib. "Səbail" bu mərhələdə "Zirə" ilə qarşılaşıb. İlk hissəyə komandamız yaxşı başlasa da, qol imkanlarından yararlana bilməyib. Birinci hissə qolsuz bərabərliklə başa çatıb. İkinci hissənin ilk dəqiqələrində rəqib hesabı açıb. 60-cı dəqiqədə isə qonaqlar üstünlüyü iki topa çatdırıb. Komandamız 70-ci dəqiqədə vurulan qollardan birinin əvəzini çıxıb. Aleksandr Ramalinqom cərimə zərbəsini dəqiq yerinə yetirib. Görüş ərzində başqa qol olmayıb və oyun "Zirə"nin 2:1 hesablı qələbəsi ilə yekunlaşıb. Qeyd edək ki, 1/4 final mərhələsinin cavab oyunu fevralın 8-i, 17:00-da Zirə İdman Kompleksinin stadionunda baş tutacaq. 

Şahin Diniyev (“Səbail” PFK-nın baş məşqçisi):  "Dramatik oyun oldu. Kuboka layiq futbol getdi. Hər iki komanda qələbəyə layiq idi. Optimal heyəti tapmaq üçün neçə oyundur çətinlik çəkirdik. Bu gün tapdıq optimal heyəti. Hələ heç nə bitməyib. Birinci hissə qutardı, ikinci yarı Zirədə olacaq. Komanda ikinci hissədə yaxşı oynadı. İndiyə qədər hücumda bu qədər fəal oynamırdıq. Stabil heyətin tapılmaması oyunumuza təsir edirdi. Fasilədən sonra hücumda idik. Bəsit qollar buraxırıq, məni narahat edir. Gələcəyə nikbin baxmaq üçün nəsə var. Komanda düz yoldadır. Daha yaxşı olacağıq. Davamı Zirədə olacaq. Çalışacağıq ki, əvəzini çıxaq. Rəqibə çempionatda uğurlar arzulayıram".