"Səbail" səfərdə "Zirə" ilə qarşılaşıb

Azərbaycan Kuboku, 1/4 final mərhələsi cavab oyunu
8 fevral 2024. Saat 17:00. Zirə İdman Kompleksinin stadionu. 800 tamaşaçı
Baş hakim: Elçin Məsiyev
Baş hakimin köməkçiləri: Elşad Abdullayev, Pərvin Talıbov
Dördüncü hakim: Əli Əliyev
VAR: Rəşad Əhmədov
AVAR: Kamran Bayramov
Hakim-inspektor: Anar Salmanov
AFFA nümayəndəsi: Namiq Əliyev
Sarı vərəqələr: Abbas İbrahim, 26 (qeyri-idman hərəkəti); Eldar Quliyev, 32 (qeyri-idman hərəkəti); Rafael Utziq, 88 (qeyri-idman hərəkəti) // Nir Bardea, 90+2 (qeyri-idman hərəkəti)
Qollar: Abbas İbrahim, 4; Rəhim Sadıxov, 42; Rafael Utziq, 74
Artırılan vaxt: I hissədə 5 dəq; II hissədə 4 dəq.

“Zirə”: 97. Tiaqo Silva, 77. Məqsəd İsayev, 10. Rəhim Sadıxov (8. İlkin Muradov, 70), 20. İsmayıl İbrahimli (29. Ceyhun Nuriyev, 63), 16. Fuad Bayramov, 5. Stefan Aka, 4. Ruan Renato (k), 15. Pyer Zebli, (32. Qismət Alıyev, 70), 28. Abbas İbrahim, 6. Eldar Quliyev (23. Rafael Utziq, 63), 19. Salifu Suma (44. Dmitrios Çantakias, 77).

Ehtiyat oyunçular: 41. Anar Nəzirov, 50. Səlim Həşimov, 21. Hacıağa Hacılı, 66. Pərviz Azadov, 52. Emil Bayramov. 

Baş məşqçi: Rəşad Sadıqov

“Səbail”: 12. Hüseynəli Quliyev, 5. Adil Nağıyev (k), 6. Cabir Əmirli, 74. Yusif Nəbiyev (27. Pedro Nuno, 60), 88. Valdemar Almeyda (44. Yadin Luqasi, 74), 4. Adi Mehremiç, 77. Ayub Masika, 9. Aleksandr Ramalinqom, (19. Samir Abdullayev, 74), 21. Anas Najah, 7. Madi Queta, (11. Rüfət Abdullazadə, 60), 14. Suleyman Alluş (55. Nir Bardea, 60).

Ehtiyat oyunçular: 1. Səlahət Ağayev, 15. Vüqar Həsənov, 8. Bahadur Həziyev, 17. Rafael Məhərrəmli, 18. Süleyman Əhmədov, 3. Silvayin Deslandes.

Baş məşqçi: Şahin Diniyev

Azərbaycan Kubokunun 1/4 final mərhələsinin cavab oyunları keçirilib. "Səbail" bu mərhələdə "Zirə" ilə qarşılaşıb. "ASCO Arena"dakı ilk görüşdə rəqibinə 2:1 hesabı ilə məğlub olan komandamız bu dəfə səfərdə gücünü sınayıb. Matçda hesab erkən açılıb. Abbas İbrahin 4-cü dəqiqədə meydan sahiblərini önə keçirib. Komandamız hesabı bərəbərləşdirmək istəsə də, cəhdlər nəticəsiz qalıb. 42-ci dəqiqədə Rəhim Sadıxov və 74-cü dəqiqədə Rafael Utziqin qolları ilə "Zirə" 3:0 qalib gələrək Azərbaycan Kubokunda yarımfinala yüksəlib.

Şahin Diniyev (“Səbail” PFK-nın baş məşqçisi):  "Zirə"ni təbrik edirəm. Layiqli qələbə qazandılar. Bunu qəbul etmək lazımdır. Bunlardan dərs çıxarmalıyıq. Oyunun qırılma nöqtəsi 3-cü dəqiqə oldu. Təsadüfi və sadə qol buraxdıq. Taktiki sistem ondan sonra qırıldı. Mütləq irəli getməliydik. Təmkinlə yox, emosiolarla irəli getdik. Yadıma gəlmir ki, bir oyunda bu qədər qol epizodu yaradaq. Bir qol vursaydıq, bəlkə vəziyyəti dəyişərdik. Hücumda oynamağa çalışdıq. Rəşad Sadıqov düzgün taktika quraraq, bizi əks-hücumlarda tutdu. 3-cü dəqiqədə buraxıaln qol planları pozdu. Futbolçular istəkli idi. Bu qədər epizoddan istifadə etməmək nəticəyə təsir edəcək. Çempionata köklənməliyik. Finala qədər getsəydik də, çətin olacaqdı. Yeni oyunçular tam adaptasiya olmasalar da, keyfiyyətli oyunçulardır.