"Səbail" PFK "Sabah" üzərində qələbə qazanıb

24 fevral 2024. Saat 17:30. “ASCO Arena”, 600 tamaşaçı
Baş hakim: Rəşad Əhmədov
Baş hakimin köməkçiləri: Rahil Ramazanov, Eyyub İbrahimov
Dördüncü hakim: Rauf Cabarov
VAR: Əliyar Ağayev
AVAR: Zeynal Zeynalov
Hakim-inspektor: Vüsal Əliyev
AFFA nümayəndəsi: Elgiz Abbasov
Sarı vərəqələr: Rüfət Abdullazadə, 23 (qeyri-idman hərəkəti); Anas Najah, 84 (qeyri-idman hərəkəti); Adil Nağıyev, 90 (qeyri-idman hərəkəti); Bahadur Həziyev, 90+2 (qeyri-idman hərəkəti) // Amin Seydiyev, 76 (qeyri-idman hərəkəti)
Rəsmi şəxsə göstərilən sarı vərəqə: Vitaliy Kovalyov, 84 (hakimin qərarına etiraz)
Qollar: Aleksandr Ramalinqom, 52; Samir Abdullayev, 90+2
Artırılan vaxt: I hissədə 2 dəq; II hissədə 4 dəq.

“Səbail”: 1. Səlahət Ağayev, 74. Yusif Nəbiyev (k), 17. Rafael Məhərrəmli, 11. Rüfət Abdullazadə (44. Yadin Luqasi, 69), 88. Valdemar Almeyda, 9. Aleksandr Ramalinqom (19. Samir Abdullayev, 89), 27. Pedro Nuno (7. Madi Queta, 89), 55. Nir Bardea, 3. Silvayin Deslandes (5. Adil Nağıyev, 46), 21. Anas Najah, 14. Suleyman Alluş (77. Ayub Masika, 69).

Ehtiyat oyunçular: 12. Hüseynəli Quliyev, 15. Vüqar Həsənov, 8. Bahadur Həziyev, 18. Süleyman Əhmədov, 38. Zeynəddin Abdurahmanov, 34. Taleh Qarayev, 16. Emin Rüstəmov

Baş məşqçi: Şahin Diniyev

“Sabah”: 1. Yusif İmanov, 4. Elvin Camalov (k), 2. Amin Seydiyev, 5. Rəhman Daşdəmirov, 88. Xəyal Əliyev (9. Anatoli Nuriyev, 67), 15. Kristian da Silva, 14. İshak Belfodil (18. Davit Volkov, 67), 7. Boyan Letiç, 44. Sofian Çakla (19. Emmanuel Apeh, 89), 70. Cesse Sekidika, 28. Kahim Parris (27. Jarl Marqarita, 67).

Ehtiyat oyunçular: 55. Nicat Mehbalıyev, 75. Emil Həbibov, 17. Tellur Mütəllimov, 6. Abdulax Xaybulayev, 53. Fəxri Məmmədli, 24. Maruan Hadudi, 3. Con İrasabal.

Məşqçi: Ruslan Qafitullin

Misli Premyer Liqasında 24-cü turun oyunları keçirilib. "Səbail" doğma meydanda "Sabah"la qarşılaşıb. Oyuna yaxşı başlayan tərəf komandamız olub. "Dənizçilər" birinci hissədə hesabı açmağa yaxın olsa da, qol cəhdləri nəticəsiz qalıb. Tərəflər fasiləyə qolsuz bərabərliklə yollanıblar. İkinci hissəyə yaxşı başlayan Şahin Diniyevin yetirmələri matçın 52-ci dəqiqəsində hesabı açıb. Rüfət Abdullazadənin ötürməsini Aleksandr Ramalinqom qola çevirib. Davamlı hücumlar yaradan komandamız 90+2-ci dəqiqədə Samir Abdullayevin qolu ilə hesabı 2:0 edərək "Sabah" üzərində qələbə qazanıb. "Səbail" bu qələbə ilə xal ehtiyyatını 34-ə çatdırıb. 

Şahin Diniyev (“Səbail” PFK-nın baş məşqçisi): "İqor Ponomoryovun bu gün doğum günüdür, ilk öncə onu təbrik edirəm. Əsas can-sağlığıdır. Bu gün hər cür nəticə ola bilərdi. "Sabah" yaxşı komandadır. Hansı rəqibə qarşı oynayacağımızı bilirdik. Onların keyfiyyətli oyunçuları var. Təşkilatlanmış kollektivdir, oyun stilinə sahibdirlər. Bizim üçün çətin idi. İlk yarıda hücum qurmağa tələsirdik. Fasilədən sonra dinamik futbol oldu, qarşılıqlı hücumlar şəraitində keçən oyun idi. Azarkeşlər üçün də maraqlı matç alındı. Qapılar qarşısında yetərincə qol epizodları yarandı. Bu gün "Səbail" kompakt, komanda şəkildə xarakteri özünü göstərdi. Futbolçular meydanın hər qarışı uğrunda canlarını, başlarını qoymağa hazır idilər. Komandanın toparlanması məni sevindirir. Müdafiədə səhvlər etmədik. Hücumda potensialımız böyükdür. Sadəcə, müdafiədə kobud səhvlər olurdu. Ötən oyunda iki müdafiəçimizin hədiyyəsindən sonra 2:2 olmuşdu. Bu gün həmin hədiyyələr olmadı. Komanda düzgün yoldadır. Artıq stabil heyətə yaxınıq. Stabil heyət olacaqsa, stabil oyun və stabil nəticə olacaq. "Sabah"a gələcək oyunlarda uğurlar arzulayıram".