Komandamız Qəbələ səfərində qalib gəldi

3 mart 2024. Saat 16:00. Qəbələ şəhər stadionu, 450 tamaşaçı
Baş hakim: Rauf Cabarov
Baş hakimin köməkçiləri: Müslüm Əliyev, Cəmil Quliyev
Dördüncü hakim: Kamranbəy Rəhimov
VAR: Rauf Allahverdiyev
AVAR: Eyyub İbrahimov
Hakim-inspektor: Ömər Paşayev
AFFA nümayəndəsi: Seymur Səlimli
Sarı vərəqələr: Murad Musayev, 87 (oyunun bərpasının ləngidilməsi) // Ayub Masika, 72 (qeyri-idman hərəkəti)
Qırmızı vərəqə: Lukas Afriko, 40 (rəqibi aşkar qol imkanından məhrum etmək)
Qollar: Urfan Abbasov, 14; Osama Xalayla, 27 // Yusif Nəbiyev, 59; Rüfət Abdullazadə, 65; Nir Bardea, 90+1
Artırılan vaxt: I hissədə 3 dəq; II hissədə 5 dəq.

“Qəbələ”: 13. Kristof Atanqana, 2. İlkin Qırtımov 34. Urfan Abbasov (k) (33. Hüseyn Mürsəlov, 89), 12. Nicat Əliyev (5. Rauf Hüseynli, 89) 7. Emil Səfərov, 20. Bilel Auaşeriya (28. Murad Musayev, 43), 4. Lukas Afriko 3. Zurab Oçiqava, 99. Ahmed Ayzaya, 9. Əyyub Allaş (8. Gilad Abramov, 67), 72. Osama Xalayla

Ehtiyat oyunçular: 1. Rəşad Əzizli, 36. Elməddin Sultanov, 11. Asif Məmmədov, 14. Ülvi İsgəndərov, 18. Mehrac Baxşalı, 27. Eşqin Əhmədov, 10. Klesio Bauk, 17. Yaovi Akakpo

Baş məşqçi: Kaxaber Tsxadadze

“Səbail”: 1. Səlahət Ağayev, 74. Yusif Nəbiyev (k), 17. Rafael Məhərrəmli, 11. Rüfət Abdullazadə 88. Valdemar Almeyda (7. Madi Queta, 74), 4. Adi Mehremiç (14. Suleyman Alluş, 46), 77. Ayub Masika (19. Samir Abdullayev, 74) 9. Aleksandr Ramalinqom (44. Yadin Luqasi, 89), 27. Pedro Nuno (15. Vüqar Həsənov, 90+3), 55. Nir Bardea, 21. Anas Najah.

Ehtiyat oyunçular: 12. Hüseynəli Quliyev, 8. Bahadur Həziyev, 18. Süleyman Əhmədov. 

Baş məşqçi: Şahin Diniyev

Misli Premyer Liqasında 25-ci turun oyunları keçirilib. "Səbail" səfərdə "Qəbələ" ilə üz-üzə gəlib. Oyunda hesabı meydan sahibləri açıb. Urfan Abbasov 14-cü dəqiqədə komandasını önə çıxarıb. Rəqib 27-ci dəqiqədə hesab arasındakı fərqi 2 topa çatdırıb. "Qəbələ"nin heyətində Osama Xalayla fərqlənib. İlk hissədə başqa qol olmayıb. İkinci hissəyə komandamız daha yaxşı başlayıb. "Dənizçilər" 59-cu dəqiqədə Yusif Nəbiyevin qolu ilə hesab arasında fərqi azaldıb. Bundan 6 dəqiqə sonra isə komandamızın heyətində Rüfət Abdullazadə fərqlənərək hesabı bərabərləşdirib. Qalan dəqiqələrdə qələbə üçün mübarizə aparan Şahin Diniyevin yetirməli 90+1-ci dəqiqədə məqsədinə çatıb. Nir Bardea komandamızın qələbə qoluna imza atıb.

Şahin Diniyev (“Səbail” PFK-nın baş məşqçisi):  "Çox gərgin matç idi. Yaxşı komandaya qarşı oynadıq. Bizim ən böyük üstünlüyümüz əks-hücumlar idi. Sürətli oyunçularımız var. İlk hissədə istədiyimizi ala bilmədik. İkinci hissədə oyun sistemini dəyişdik. Komanda bu gün xarakter göstərdi. 8-ci oyunumuzdur ki, geridönüş edirik. Bu, məni sevindirir. Marafonun finişinə yaxınlaşırıq. Artıq 11 addım qalıb. İstəməzdim uşaqların əziyyəti hədər getsin. Hər komandanın xal itirmək ehtimalı var".