"Səbail" "Sumqayıt"la qarşılaşıb

8 mart 2024. Saat 19:00. “ASCO Arena”, 450 tamaşaçı
Baş hakim: Tural Qurbanov
Baş hakimin köməkçiləri: Elşad Abdullayev, Zöhrab Abbasov
Dördüncü hakim: Fərid Hacıyev
VAR: Rauf Allahverdiyev
AVAR: Pərvin Talıbov
Hakim-inspektor: İmanxan Sultani
AFFA nümayəndəsi: Emin Cəfərov
Sarı vərəqələr: Rafael Məhərrəmli, 54 (qeyri-idman hərəkəti) // Elvin Bədəlov, 35 (qeyri-idman hərəkəti); Oktavio Manteka, 86 (qeyri-idman hərəkəti); İsa Suliman, 86 (hakimin qərarına etiraz)
Rəsmi şəxsə göstərilən sarı vərəqə: Seymur Rəhimov (“Sumqayıt”), 69 (texniki zona qaydalarını pozduğu üçün)
Qol: Kasimir Ninqa, 10
Qolla nəticələnməyən penalti: Pedro Nuno, 67
Artırılan vaxt: I hissədə yoxdur; II hissədə 5 dəq.

“Səbail”: 1. Səlahət Ağayev, 74. Yusif Nəbiyev (k), 17. Rafael Məhərrəmli, 11. Rüfət Abdullazadə (44. Yadin Luqasi, 76), 88. Valdemar Almeyda (7. Madi Queta, 66), 4. Adi Mehremiç, 77. Ayub Masika (14. Suleyman Alluş, 66). 9. Aleksandr Ramalinqom (19. Samir Abdullayev, 66), 27. Pedro Nuno (5. Adil Nağıyev, 90+1), 55. Nir Bardea, 21. Anas Najah

Ehtiyat oyunçular: 12. Hüseynəli Quliyev, 6. Cabir Əmirli, 15. Vüqar Həsənov, 8. Bahadur Həziyev, 18. Süleyman Əhmədov.

Baş məşqçi: Şahin Diniyev

“Sumqayıt”: 1. Mehdi Cənnətov, 14. Elvin Bədəlov (k), 7. Rövlan Muradov, 17. Murad Xaçayev, 8. Səbuhi Abdullazadə, 20. Ayxan Süleymanlıa, 19. Roi Kehat  (23. Cordan Rezabala, 78), 11. Kasimir Ninqa, 4. İsa Suliman, 71. Masaki Murata (58. Oktavio Manteka, 73), 60. Tresor Mossi.

Ehtiyat oyunçular: 32. Murad Ağamalıyev, 36. Xəyal Fərzullayev, 6. Vüqar Mustafayev, 21. Nihad Əhmədzadə, 12. Abu Dosso, 10. Kamran Aliev, 9. Erik Sorqa.

Baş məşqçi: Samir Abasov

Misli Premyer Liqasında 26-cı turun oyunları keçirlib. "Səbail" "ASCO Arena"da "Sumqayıt"la qarşılaşıb. Oyunda hesab 10-cu dəqiqədə açılıb. Kasimir Ninqa fərqlənərək rəqibi önə keçirib. Qarşılıqlı hücumlar olsa da, ilk hissədə başqa qol olmayıb. İkinci hissəyə yaxşı başlayan tərəf komandamız olub. 67-ci dəqiqədə "dənizçilər" penalti qazanıb. Lakin Pedro Nuno fürsətdən yararlana bilməyib. Komandamız qol epizodları yaratsa da, cəhdlər nəticəsiz qalıb. Qarşılaşma "Sumqayıt"ın minimal hesablı qələbəsi ilə yekunlaşıb.

Şahin Diniyev (“Səbail” PFK-nın baş məşqçisi):  "Sumqayıt"ı qələbə münasibəti ilə təbrik edirəm. Bu gün dinamik, rəngarəng, diqtə edən futbol oynadıq. Futbolda üç nəticə olur, onları da normal qəbul etmək lazımdır. Məğlubiyyətə layiq komanda deyildik. Əsasən də, ikinci yarıda göstərdiyimiz oyunla inkişaf yolunda olduğunu gördüm. Oyun varsa, mütləq nəticə də gələcək. Belə davam etsək, istədiyimiz yerlərə gəlib çıxacağıq. Penaltidən istifadə edə bilmədik, qol vəziyyətlərini sağa-sola xərclədik. Öz komandama təşəkkür edirəm. Fəxr edirəm ki, düşünən, futbol oynayan, hücumda rəngarəng oynayan komandam var. Bu oyunu unutmalı, növbəti matçlara köklənməliyik. Belə oynasaq, nəticə də gələcək. Əsas odur ki, artıq komanda böyüyüb, yaxşı futbol oynayır. Çox yaxşı futbol oynadıq. Məğlubiyyəti də qəbul etməli, irəli baxmalıyıq".