Adil Nağıyev 200-cü oyununu keçirib

“Səbail” PFK-nın müdafiəçisi Adil Nağıyev Azərbaycan çempionatları tarixində 200-cü oyununu keçirib. 29 yaşlı futbolçumuz bu göstəriciyə Misli Premyer Liqasının 24-cü turunda “Sabah”la ev görüşündə (2:0) nail olub. Bu münasibətlə “Səbail” PFK-nın Müşahidə Şurasının üzvü Əbdül Qəni Nurməmmədov futbolçumuzu oyundan öncə təbrik edib. Qeyd edək ki, Premyer Liqada debütü 2015/16 mövsümünə təsadüf edən Nağıyev komandamızın heyətində ümumilikdə 88 qarşılaşmada meydana çıxıb və karyerası ərzində “Zirə” (83) “Sumqayıt” (12), “Şamaxı” (17) klublarının formasını geyinib. Adil həmçinin ölkə çempionatları tarixində 200 və daha çox matç keçirən 149-cu futbolçudur.