"Səbail" səfərdə "Neftçi" ilə qarşılaşıb

15 mart 2024. Saat 19:00. “Neftçi Arena”, 850 tamaşaçı
Baş hakim: İnqilab Məmmədov
Baş hakimin köməkçiləri: Namiq Hüseynov, Rahil Ramazanov
Dördüncü hakim: Kamranbəy Rəhimov
VAR: Rauf Cabarov
AVAR: Cavid Cəlilov
Hakim-inspektor: Rəhim Həsənov
AFFA nümayəndəsi: Eldəniz Musayev
Sarı vərəqələr: Eddi İsrafilov, 45+1 (oyun qaydalarının sistematik şəkildə pozulması); Yuri Matias, 90 (qeyri-idman hərəkəti) // Adil Nağıyev, 54 (qeyri-idman hərəkəti)
Qollar: Nir Bardea, 24 (ö.q.); Azər Salahlı, 27; Yeqor Boqomolski, 85
Artırılan vaxt: I hissədə 2 dəq; II hissədə 3 dəq.

“Neftçi”: 93. Rza Cəfərov, 10. Filip Ozobiç (91. Ağadadaş Salyanskiy, 89), 14. Eddi İsrafilov (k), 3. Höccət Haqverdi, 17. Rəhman Hacıyev (2. Qara Qarayev, 81), 19. Azər Salahlı, 4. Mark Tamaş (9. Andre Şinyaşiki, 35), 99. Ervin Koffi, 44. Yuri Matias, 11. Kilan Lebon (22. Reziuan Mirzov, 89), 77. Yeqor Boqomolski (20. Alfa Konte, 89).

Ehtiyat oyunçular:

1. İvan Brkiç, 95. Rəvan Kazımov, 8. Emin Mahmudov, 26. Ömər Buludov, 16. Lukas Melano, 6. Dieqo Valdez.

Baş məşqçi: Miodraq Bojoviç

“Səbail”: 1. Səlahət Ağayev, 5. Adil Nağıyev (k), (4. Adi Mehremiç, 61), 74. Yusif Nəbiyev (19. Samir Abdullayev, 80), 17. Rafael Məhərrəmli, 88. Valdemar Almeyda (44. Yadin Luqasi, 61), 9. Aleksandr Ramalinqom, 27. Pedro Nuno, 55. Nir Bardea, 21. Anas Najah, 7. Madi Queta (77. Ayub Masika, 80), 14. Suleyman Alluş (11. Rüfət Abdullazadə, 61).

Ehtiyat oyunçular: 12. Hüseynəli Quliyev, 6. Cabir Əmirli, 15. Vüqar Həsənov, 8. Bahadur Həziyev, 18. Süleyman Əhmədov, 3. Silvayin Deslandes.

Baş məşqçi: Şahin Diniyev

Misli Premyer Liqasında 27-ci turun oyunları keçirilib. "Səbail" səfərdə "Neftçi" ilə qarşılaşıb. "Neftçi Arena"da baş tutan qarşılaşmada rəqib 3:0 hesablı qələbə qazanıb. 

Şahin Diniyev (“Səbail” PFK-nın baş məşqçisi):  "Oyunu iki hissəyə bölərdim. 3:0 darmadağın deməkdir. Bu hesab bir qapıya gedən, komandanın mərkəzi keçməməsi deməkdir. Amma biz 0:3 hesablı məğlubiyyətə layiq deyildik. Komanda ikinci hissə diqtə etdi, dominantlıq göstərdi. Qol epizodlarımız çox idi. Heç bu qədər epizod yaratdığımız yadıma gəlmir. Sadəcə keyfiyyət məsələsində geri qaldıq. İrəli baxmalıyıq. Təəccüblü olsa da, komandamın oyunundan, xarakterindən, hücumameyilli oynamasından razı qaldıq. "Neftçi" kimi böyük komandanı 90 dəqiqə ərzində təzyiqdə saxlamışıqsa, gələcəyə ümidlə baxmaq olar. Heç nə itirilməyib. Doqquz oyunluq marafonun finiş nöqtəsi var. Komanda ilə istədiyimiz yerlərə çatacağıq. Sadəcə asan qollar buraxırıq. Cərimə meydançasına atılan hər bir top bizim üçün faciəyə bərabərdir. Üçüncü qoldan danışmaq istəmirəm. "Neftçi"yə uğurlar arzu edib, təbrik edirəm. Qarşıdakı oyunlarımıza baxmalıyıq. Düzgün yoldayıq. Bütün oyunlarda keyfiyyətli futbol oynamağa çalışırıq. Alınır da".