"Səbail" "Kəpəz"lə heç-heçə edib

14 aprel 2024. Saat 16:30. “ASCO Arena”, 900 tamaşaçı
Baş hakim: Cavid Cəlilov
Baş hakimin köməkçiləri: Kamran Bayramov, Zöhrab Abbasov
Dördüncü hakim: Rövşən Rəcəbov
VAR: Əliyar Ağayev
AVAR: Akif Əmirəli
Hakim-inspektor: Vüsal Əliyev
AFFA nümayəndəsi: Zaur Hacı-Məhərrəmov
Sarı vərəqələr: Adil Nağıyev, 70 (qeyri-idman hərəkəti); Adi Mehremiç, 90+3 (oyunun bərpasının ləngidilməsi) // Elmir Tağıyev, 45 (qeyri-idman hərəkəti); Şakir Seyidov, 65 (qeyri-idman hərəkəti)
Qırmızı vərəqə: Adi Mehremiç, 90+3 (hakimi təhqir etdiyinə görə)
Qollar: Pedro Nuno, 49; Aleksandr Ramalinqom, 53; Rüfət Abdullazadə, 73 // Elmir Tağıyev, 25; Latir Fal, 29; Mate Kvirkviya, 90+5
Artırılan vaxt: I hissədə 5 dəq; II hissədə 4 dəq.

“Səbail”: 1. Səlahət Ağayev, 5. Adil Nağıyev (k), 74. Yusif Nəbiyev (6. Cabir Əmirli, 89), 17. Rafael Məhərrəmli, 88. Valdemar Almeyda (44. Yadin Luqasi, 75) 77. Ayub Masika (11. Rüfət Abdullazadə, 46), 9. Aleksandr Ramalinqom (4. Adi Mehremiç, 75), 27. Pedro Nuno, 3. Silvayin Deslandes, 21. Anas Najah, 7. Madi Queta (14. Suleyman Alluş, 46).

Ehtiyat oyunçular: 12. Hüseynəli Quliyev, 15. Vüqar Həsənov, 8. Bahadur Həziyev.

Baş məşqçi: Şahin Diniyev

“Kəpəz”: 96. İqor Rodriqes, 29. Amil Yunanov (15. Cavad Kərimov, 35), 10. Tural Rzayev (33. Camal Cəfərov, 74), 14. Elçin Əlicanov, 4. Vüsal Məsimov, 88. Şakir Seyidov, 91. Latir Fal (99. Əli Səmədov, 74), 25. Georgi Papunaşvili (8. Elmir Tağıyev, 21), 9. Mate Kvirkviya, 78. Yeqor Xvalko (k), 24. Olavale Onanuqa.

Ehtiyat oyunçular: 12. Kamran İbrahimov, 18. Elgün Bayramov, 3. Vurğun Hüseynov, 20. Mahir Həsənov, 6. Nemət Musayev, 22. Rüfət Əhmədov, 26. Adama Niane.

Baş məşqçi: Adil Şükürov

Misli Premyer Liqasında 30-cu turun oyunlarl keçirilib. "Səbail" "ASCO Arena"da "Kəpəz"lə qarşılaşıb. Qarşılıqlı hücumlarla başlayan oyunda hesabı qonaqlar açıb. Elmir Tağıyev 25-ci dəqiqədə "Kəpəz"i önə keçirib. Rəqib 4 dəqiqə sonra yenidən fərqlənməyi bacarıb. Gəncə təmsilçisinin ikinci qoluna Latir Fal imza atıb. İlk hissə qonaqların 2:0 üstünlüyü ilə yekunlaşıb. İkinci hissəyə komandamız daha inamlı başlayıb. Sürətli hücumlar quran Şahin Diniyevin yetitrmələri 49-cu dəqiqədə Pedro Nunonun qolu ilə fərqi azaldıb. Matçın 53-cü dəqiqəsində isə Aleksandr Ramalinqom hesabı bərabərləşdirib. Bu qol ilə  hücumçumuz cari mövsümdəki qollarının (Misli Premyer Liqası) sayını 12-yə çatdırıb. Rüfət Abdullazadə 73-cü dəqiqədə "dənziçilər"i önə keçirən qola imza atıb. Bu qoldan sonra komandamız ard-arda bir neçə qol imkanından yararlana bilməyib. Qarşılaşmanın əsas vaxtında və əsas vaxta əlavə edilən 4 dəqiqə "Səbail"in üstünlüyü ilə yekunlaşsa da, 90+6-cı dəqiqədə rəqib Mate Kvirkviyanın qolu ilə hesabı bərabərləşdirib. Görüş 3:3 hesablı bərabərliklə başa çatıb. 

Şahin Diniyev (“Səbail” PFK-nın baş məşqçisi): "Belə oyundan sonra danışmaq çox çətindir. İki fərqli hissə izlədik. İlk yarıda bəsit qollar buraxdıq. İkinci hissədə komanda həm xarakter göstərdi, həm də oyunla "Kəpəz"i sıxmağa başladı.4 dəqiqə əlavə olunan matçda son dəqiqədə qol buraxmaq çox ağırdır. Hakimlər oyunu ideal idarə etdi. Sadəcə vaxt çox artırdı. Qırmızı vərəqəyə baxılmasını çox istəyərdim. Sonda buraxdığımız qol hər şeyin üstündən xətt çəkdi. Futbolun iki üzü var. Kim deyirsə ki, "Səbail"ə hakimlərin simpatiyası var, yanlışdır. Kiminsə musiqisinə oynamağa çalışmayın. Növbəti oyuna hazırlaşmaq lazımdır. Futbolçularıma təşəkkür edirəm. İkinci hissədən tam razı qaldım".