"Səbail" "Neftçi" ilə qarşılaşıb

18 may 2024. Saat 17:00. “ASCO Arena”, 1000 tamaşaçı
Baş hakim: Tural Qurbanov
Baş hakimin köməkçiləri: Rəhman İmami, Zöhrab Abbasov
Dördüncü hakim: Nicat İsmayıllı
VAR: Devid Qersini
AVAR: Eyyub İbrahimov
Hakim-inspektor: Feyzulla Feyzullayev
AFFA nümayəndəsi: Zaur Hacı-Məhərrəmov
Sarı vərəqələr: Pedro Nuno, 68 (qeyri-idman hərəkəti); Aleksandr Ramalinqom, 90+4 (hakimin qərarına etiraz) // Höccət Haqverdi, 55 (qeyri-idman hərəkəti); Kilan Lebon, 61 (qeyri-idman hərəkəti)
Qollar: Brayan Moreno, 69; Ataa Caber, 77; Qara Qarayev, 82
Artırılan vaxt: I hissədə yoxdur; II hissədə 4 dəq.

“Səbail”: 12. Hüseynəli Quliyev, 5. Adil Nağıyev (k), 11. Rüfət Abdullazadə, (14. Suleyman Alluş, 74), 19. Samir Abdullayev (9. Aleksandr Ramalinqom, 65), 88. Valdemar Almeyda, (44. Yadin Luqasi, 80), 4. Adi Mehremiç (74. Yusif Nəbiyev, 74), 27. Pedro Nuno, 55. Nir Bardea, 3. Silvayin Deslandes (17. Rafael Məhərrəmli, 65), 21. Anas Najah, 7. Madi Queta. 

Ehtiyat oyunçular: 1. Səlahət Ağayev, 10. Ağabala Ramazanov, 6. Cabir Əmirli, 15. Vüqar Həsənov, 8. Bahadur Həziyev, 18. Süleyman Əhmədov.

Baş məşqçi: Şahin Diniyev

 
“Neftçi”: 1. İvan Brkiç, 10. Filip Ozobiç (17. Rəhman Hacıyev, 85), 14. Eddi İsrafilov (k), 3. Höccət Haqverdi, 19. Azər Salahlı, 4. Mark Tamaş, 23. Ataa Caber (2. Qara Qarayev, 80), 99. Ervin Koffi, 11. Kilan Lebon (22. Reziuan Mirzov, 85), 88. Brayan Moreno (91. Ağadadaş Salyanskiy, 72), 77. Yeqor Boqomolski.

Ehtiyat oyunçular: 93. Rza Cəfərov, 95. Rəvan Kazımov, 8. Emin Mahmudov, 26. Ömər Buludov, 82. Rüfət Abbasov, 16. Lukas Melano, 6. Dieqo Valdez, 20. Alfa Konte.

Baş məşqçi: Miodraq Bojoviç

Misli Premyer Liqasında 35-ci turun oyunları keçirilib. "Səbail" "ASCO Arena"da "Neftçi"ni qəbul edib. Oyuna yaxşı başlayan tərəf komandamız olub. Lakin "dənzçilər" fürsətlərdən yararlana bilməyib. İlk hissə qolsuz bərabərliklə yekunlaşıb. İkinci hissəyə tərəflər qarşılıqlı hücumlarla başlayıb. Qonaqlar matçın 69-cu dəqiqəsində Brayan Morenonun qolu ilə hesabı açıb. Şahin Diniyevin yetirmələri hesabı bərabərləşdirməyə çalışsalar da, cəhdlər nəticəsiz qalıb. 77-ci dəqiqədə Ataa Caber hesab arasındakı fərqi 2 topa çatdırıb. 5 dəqiqə sonra isə rəqibin heyətində Qara Qarayev fərqlənərək oyunda yekun hesabı müəyyənləşdirib.

Şahin Diniyev (“Səbail” PFK-nın baş məşqçisi): "İndi nə desəm, faktlara söykənən bir şey var ki, hesab 0:3 oldu. Bu hesab da "Neftçi"nin tam üstünlüyü deməkdir. Hesab baxımından belədir. Amma oyuna gəldikdə, normal başladıq, 60-70-ci dəqiqəyə qədər başabaş futbol oynamağa çalışdıq. Qol vəziyyətlərimiz “Neftçi”dən daha çox idi. Bir qoldan sonra komanda irəli atıldı. Ondan sonra 0:1 və ya 0:3 arasında fərq yox idi. Peşəkar komanda öz futbolunu sona qədər oynamalıdır. Biz 70-ci dəqiqədən sonra başqa cür oynadıq. “Neftçi”yə uğurlar arzulayıram. Onların qələbəsinə kölgə salmaq istəmirəm. Amma 3:0-lıq oyun deyildi. “Sabah”a uduzduqdan sonra heç bir iddiamız qalmadığı üçün futbolçuları da oyuna kökləmək çətindir. Mövsüm bizim üçün bitib. Heç bir iddiamız qalmayıb. Daha yaxşı “Səbail” olmaq üçün çalışmaq lazımdır. Builki səhvlərimizi yığışdırıb, yeni sezon yaxşı, iddialı komanda yaratmaq gücündəyik”.