“Səbail” son turda “Zirə” ilə qarşılaşıb

25 may 2024. Saat 19:00. Zirə İdman Kompleksinin stadionu, 900 tamaşaçı

Baş hakim: İnqilab Məmmədov

Baş hakimin köməkçiləri: Namiq Hüseynov, Rahil Ramazanov

Dördüncü hakim: Əli Əliyev

VAR: Natan Verbumen

AVAR: Kamran Bayramov 

Hakim-inspektor: Ömər Paşayev

AFFA nümayəndəsi: Anar Şixəliyev

Sarı vərəqələr: Ruan Renato, 45 (qeyri-idman hərəkəti); Pyer Zebli, 85 (qeyri-idman hərəkəti); Tiaqo Silva, 86 (oyunun bərpasının ləngidilməsi); İsmayıl İbrahimli, 90+4 (qeyri-idman hərəkəti) // Adi Mehremiç, 5 (qeyri-idman hərəkəti); Adil Nağıyev, 11 (qeyri-idman hərəkəti); Valdemar Almeyda, 26, 70 (qeyri-idman hərəkəti); Yusif Nəbiyev, 32 (oyunun bərpasının ləngidilməsi); Silvayin Deslandes, 90 (qeyri-idman hərəkəti)

Qırmızı vərəqə: Valdemar Almeyda, 70

Qol: Qismət Alıyev, 57

Artırılan vaxt: I hissədə 2 dəq; II hissədə 5 dəq.

“Zirə”: 97. Tiaqo Silva, 10. Rəhim Sadıxov (9. Vladislav Kulaç, 80), 32. Qismət Alıyev (k), 20. İsmayıl İbrahimli, 16. Fuad Bayramov, 29. Ceyhun Nuriyev, (24. Sezar Meza Kolli, 46), 5. Stefan Aka, 4. Ruan Renato, 23. Rafael Utziq (6. Eldar Quliyev, 80), 15. Pyer Zebli, 19. Salifu Suma (11. Rüstəm Əhmədzadə, 64).

Ehtiyat oyunçular: 41. Anar Nəzirov, 22. Məmməd Hüseynov, 17. Araz Abdullayev, 77. Məqsəd İsayev, 21. Hacıağa Hacılı, 44. Dmitrios Çantakias, 70. İssa Cibrila, 28. Abbas İbrahim.

Baş məşqçi: Rəşad Sadıqov

“Səbail”: 1. Səlahət Ağayev, 5. Adil Nağıyev (k), 74. Yusif Nəbiyev, 11. Rüfət Abdullazadə, (19. Samir Abdullayev, 83), 88. Valdemar Almeyda, 4. Adi Mehremiç, 9. Aleksandr Ramalinqom, 3. Silvayin Deslandes, 21. Anas Najah, 7. Madi Queta (17. Rafael Məhərrəmli, 90), 14. Suleyman Alluş (44. Yadin Luqasi, 72).

Ehtiyat oyunçular: 12. Hüseynəli Quliyev, 10. Ağabala Ramazanov, 6. Cabir Əmirli, 15.Vüqar Həsənov, 8. Bahadur Həziyev, 18. Süleyman Əhmədov

Baş məşqçi: Şahin Diniyev

Misli Premyer Liqasında 36-cı turun oyunları keçirilib. Cari mövsümün son turunda “Səbail” səfərdə “Zirə” ilə qarşılaşıb. İlk hissə qarşılıqlı hücumlar şəraitində keçsə də, hesab açılmayıb və tərəflər fasiləyə qolsuz bərabərliklə yollanıb. İkinci hissəyə “dənizçilər” daha yaxşı başlayıb. Lakin komandamız qol fürsətlərindən yararlanmağı bacarmayıb. 57-ci dəqidə Qismət Alıyev fərqlənərək rəqibi hesabda önə çıxarıb. Matçın 70-ci dəqiqəsində oyunçumuz Valdemar Almeydaya qarşı cərimə meydançası daxilində edilmiş qayda pozuntusunu oyunun baş hakimi simulyasiya kimi qiymətləndirib və nəticədə yarımmüdafiəçimizə 2-ci sarı vərəqədən sonra qırmızı vərəqəni göstərib. Şahin Diniyevin yetirmələri hesabı bərabərləşdirmək üçün son dəqiqəyədək mübarizə aparsa da, cəhtlər nəticəsiz qalıb. Qarşılaşma rəqibin qələbəsi ilə yekunlaşıb.

Şahin Diniyev (“Səbail” PFK-nın baş məşqçisi): "Gərgin oyun oldu. Komandam məğlub olmaq istəmirdi. Pedro Nunonun olmaması bizə hücumda problem yaratdı. 10 nəfərlə xarakter göstərdik. Bərabərlik qolunu vurmaq alınmadı. "Zirə"ni təbrik edirəm. Hər şeyi məndən öyrənin, "sarı mətbuat"dan yox. İllərdir futbolun içindəyəm, hamını tanıyıram".