AFFA tərəfindən təşkil olunan U-14 Qızlar Liqasında 2023/2024-cü illər mövsümünə yekun vurulub. “Səbail” PFK-nın 14 yaşadək futbolçulardan ibarət qızlar komandası cari mövsümün finalında, “ASCO Arena”da “Baku Sporting”lə qarşılaşıb. Təmsilçimiz rəqibinə Tahirə Rəcəb və Suel Polikarpovanın qolları ilə 2:0 hesabı ilə qalib gələrək qızıl medallara sahib çıxıb. Ehtibar Həsənovun rəhbərlik etdiyi kollektiv mövsüm ərzində keçirdiyi 21 qarşılaşmada 20 qələbə, və 1 məğlubiyyətə imza atıb. Futbolçularımız bu oyunlarda ümumilikdə 130 qol vurub və öz qapılarından 6 top buraxıb. Həlledici qarşılaşmadan sonra qaliblərə kubok və medallar təqdim edilib.
Qeyd edək ki, "Səbail" U-14 qızlar komandamızın üzvü Aydan Abdullayeva mövsümün yekunlarına əsasən, Liqanın ən yaxşı qapıçısı adına layiq görülüb.