“Səbail” səfərdə “Sumqayıt”la qarşılaşıb

17 avqust 2024. Saat 20:30. M.Hüseynzadə adına Sumqayıt şəhər stadionu, 1450 tamaşaçı

Baş hakim: Rəvan Həmzəzadə

Baş hakimin köməkçiləri: Cəmil Quliyev, Şirmamed Mamedov

Dördüncü hakim: Əli Əliyev

VAR: Fərid Hacıyev

AVAR: Rəhman İmami

Hakim-inspektor: Zöhrab Qədiyev

AFFA nümayəndəsi: Zümrüd Ağayeva

Sarı vərəqələr: Rəhim Sadıxov, 34 (qeyri-idman hərəkəti); Slaviça Radoviç, 34 (qeyri-idman hərəkəti); Tresor Mossi, 55 (qeyri-idman hərəkəti)

Qollar:  Kamran Quliyev, 87; Roi Kehat, 90+2 // Suleyman Alluş, 89

Artırılan vaxt: I hissədə yoxdur; II hissədə 4 dəq.

“Sumqayıt”:  1. Mehdi Cənnətov, 6. Vüqar Mustafayev (k) (30. Kamran Quliyev, 77), 14. Elvin Bədəlov, 10. Rəhim Sadıxov, 17. Murad Xaçayev, 8. Səbuhi Abdullazadə, 19. Roi Kehat, 3. Slaviça Radoviç (7. Rövlan Muradov, 46), 11. Fernando Da Silva (60. Tresor Mossi, 46), 9. Nikola Vuynoviç, 23. Cordan Rezabala.

Ehtiyat oyunçular: 36. Xəyal Fərzullayev, 56. Aftandil Arixov, 41. Uğur Cahangirov, 21. Nihad Əhmədzadə, 24. Sənan Muradlı

Baş məşqçi: Samir Abasov


 

“Səbail”: 1. Hüseynəli Quliyev, 77. Fərid Nəbiyev (83. Nihad Quliyev, 77), 15. Vüsal Məsimov, 20. Mert Çelik, 11. Rüfət Abdullazadə (k), (18. Süleyman Əhmədov, 77), 8. Qorka Laruçça, 44. Amir Bilali, 3. Dmitro Litvin, 7. Madi Queta (14. Suleyman Alluş, 58), 5. Gitay Sofir (17. Gülağa Əsədov, 81), 21. Ayman Bouali (19. Samir Abdullayev, 58).

Ehtiyat oyunçular: 12. Əlirza Müştəbazadə, 25. Nicat Məmmədzadə, 6. Cabir Əmirli, 74. Yusif Nəbiyev, 16. Emin Rüstəmov.

Baş məşqçi: Şahin Diniyev

Misli Premyer Liqasında 3-cü turun oyunları keçirilib. “Səbail” səfərdə “Sumqayıt”la qarşılaşıb. Komandamız bir neçə dəfə hesabı açmağa yaxın olsa da, fürsətlərdən yararlana bilməyib. İlk hissə qolsuz bərabərliklə yekunlaşıb. İkinci hissə qarşılıqlı hücumlar şəklində keçib. “Dənizçilər” hesabı açmağa yaxın olsa da, epizodlar qolla nəticələnməyib. 87-ci dəqiqədə Kamran Quliyev rəqibi önə keçirib. Qoldan 2 dəqiqə sonra komandamızın heyətində Süleyman Alluş fərqlənərək hesabı bərabərləşdirib. Matçın sonuna əlavə edilmiş dəqiqələrdə Roi Kehatın qolu ilə rəqib 2:1 hesablı qələbə qazanıb.

Şahin Diniyev (“Səbail” PFK-nın baş məşqçisi):  “Belə oyundan sonra danışmaq çətindir. Matçın ədalətli nəticəsi heç-heçə idi. Düşünürəm ki, 1 xala layiq idik. Birinci hissədə çox qol fürsətlərindən istifadə edə bilmədik. Bəzi futbolçular təlim-məşq toplanışı keçməyiblər. Yorğunluğa görə 5 əvəzetməyə məcbur olduq. Buna görə də oyunun tempi bir az düşdü. Sonda konsentrasiyanı itirdik. Cərimə meydançasında rəqib oyunçunu heç kim qarşılamadı. Lüzumsuz, bəsit 2 qol buraxdıq. Məğlubiyyətə layiq deyildik. Yolumuza davam edəcəyik. Səhvləri minimuma endirmək üçün çalışacağıq. Komanda düzgün yoldadır”.