“Səbail” “Qarabağ”la üz-üzə gəlib

14 sentyabr 2024. Saat 19:00. “Azersun Arena”, 1600 tamaşaçı
Baş hakim: Tural Qurbanov 
Baş hakimin köməkçiləri: Rəhman İmami, Müslüm Əliyev 
Dördüncü hakim: Rauf Allahverdiyev
VAR: Kamal Umudlu
AVAR: Asiman Əzizli 
Hakim-inspektor: Ceyhun Haşımov
AFFA nümayəndəsi: İlham Əliyev 
Sarı vərəqə: yoxdur  
Qollar: Leandro Andrade, 5; Leandro Andrade, 56; Fərid Nəbiyev, 58
Artırılan vaxt: I hissədə 1 dəq; II hissədə 3 dəq.

“Qarabağ”: 99. Mateuş Koxalski, 55. Bədavi Hüseynov (k), 24. Aleksey İsayev (66. Patrik Andrade, 75), 44. Elvin Cəfərquliyev, 27. Toral Bayramov, 10. Abdullah Zubir, 81. Kevin Medina, 18. Olavio Juninyo, 2.Mateus Silva (30. Abbas Hüseynov, 75), 6. Julio Romao, 15. Leandro Andrade (11. Emmanuel Addai, 75). 




Ehtiyat oyunçular: 97. Fabian Buntiç, 12. Sadiq Məmmədzadə, 20. Riçard Almeyda, 22. Musa Qurbanlı, 90. Nəriman Axundzadə, 19. Redon Cica. 

Baş məşqçi: Qurban Qurbanov
 

“Səbail” : 1. Hüseynəli Quliyev, 74. Yusif Nəbiyev (k), 77. Fərid Nəbiyev (19. Samir Abdullayev, 80), 20. Mert Çelik, 11. Rüfət Abdullazadə (14. Suleyman Alluş, 80), 83. Nihad Quliyev, 8. Qorka Laruçça, 44. Amir Bilali (6. Cabir Əmirli, 73), 3. Dmitro Litvin, 7. Madi Queta (10. David Qomis, 86), 5. Gitay Sofir, (18. Süleyman Əhmədov, 46). 

Ehtiyat oyunçular: 12. Əlirza Müştəbazadə, 25. Nicat Məmmədzadə, 15. Vüsal Məsimov, 17. Gülağa Əsədov, 16. Emin Rüstəmov. 

Baş məşqçi: Şahin Diniyev

Misli Premyer Liqasında 6-cı turun oyunları keçirilib. Səbail səfərdə son çempion "Qarabağ"la qarşılaşıb. Matça meydan sahibləri daha yaxşı başlayıb. Rəqib 5-ci dəqiqədə Leandro Andradenin qolu ilə önə keçib. Şahin Diniyevin yetirmələri erkən qoldan sarsılmayıb və oyunda təzyiqi artırmağı bacarıb. İlk hissə qarşılıqlı hücumlarla keçib. Komandamız bir neçə dəfə hesabı bərabərləşdirməyə yaxın olub. Lakin cəhdlər nəticəsiz qalıb və ilk hissə Ağdam təmsilçisinin minimal üstünlüyü ilə başa çatıb. İkinci hissəyə "Səbail" daha yaxşı başlayıb. Rəqibin cərimə meydançasına təzyiqi artıran komandamız bir neçə dəfə qol imkanlarından faydalana bilməyib. 56-cı dəqiqədə isə "Qarabağ"ın heyətində Leandro Andrade özünün və komandasının 2-ci qoluna imza atıb. Bundan 2 dəqiqə sonra Nihad Quliyevin ötürməsini Fərid Nəbiyev qola çevirərək hesab arasındakı fərqi azaldıb. "Dənizçilər" hesabı bərabərləşdirmək üçün çalışsalar da, cəhdlər nəticəsiz qalıb. Qalan dəqiqələrdə başqa qol olmayıb və görüş "Qarabağ"ın 2:1 hesablı qələbəsi ilə başa çatıb. 
 

Şahin Diniyev (“Səbail” PFK-nın baş məşqçisi): "Azarkeşlər üçün yaxşı oyun oldu. Qarşılıqlı hücumlar şəraitində keçən matç idi. “Qarabağ” səviyyəcə liqadakı komandalardan bir baş üstündür. Komandamızın “Qarabağ”a qarşı belə dayanması məni sevindirdi. Pis təsir bağışlamadıq. Fərdi səhvlərimiz oldu. “Qarabağ”ı təbrik edirəm, öz komandama təşəkkür edirəm".