"Səbail" "Sabah"la qarşılaşıb

22 sentyabr 2024. Saat 18:00. “ASCO Arena”, 600 tamaşaçı
Baş hakim: Kamal Umudlu
Baş hakimin köməkçiləri: Vüsal Məmmədov, Eyyub İbrahimov
Dördüncü hakim: Kamran Əliyev
VAR: Fərid Hacıyev
AVAR: Şirmamed Mamedov
Hakim-inspektor: Rəhim Həsənov
AFFA nümayəndəsi: Elçin Məmmədov
Sarı vərəqələr: Dmitro Litvin, 40 (qeyri-idman hərəkəti); David Qomis, 45+2 (hakimin qərarına etiraz); Qorka Laruçça, 45+2 (hakimin qərarına etiraz); Mert Çelik, 62 (qeyri-idman hərəkəti); Rüfət Abdullazadə, 73 (qeyri-idman hərəkəti); Yusif Nəbiyev, 80 (qeyri-idman hərəkəti); Samir Abdullayev, 88(qeyri-idman hərəkəti) // Amin Seydiyev, 59 (qeyri-idman hərəkəti); İvan Lepiniça, 65 (qeyri-idman hərəkəti); İqor Noqeyra, 68 (qeyri-idman hərəkəti); Pavol Safranko, 76 (hakimin qərarına etiraz)
Rəsmi şəxsə göstərilən sarı vərəqə: Sebahettin Tekin, (“Səbail”) 45+2 (hakimin qərarına etiraz)
Qollar: Amir Bilali, 4; Rüfət Abdullazadə, 39 // Coy Lens Mikels, 8; İvan Lepiniça, 21; Cesse Sekidika, 27; Pavol Safranko, 76 (p.)
Artırılan vaxt: I hissədə 2 dəq; II hissədə 4 dəq.

“Səbail”: 1. Hüseynəli Quliyev, 74. Yusif Nəbiyev (k), 77. Fərid Nəbiyev, 20. Mert Çelik, 11. Rüfət Abdullazadə, 8. Qorka Laruçça (83. Nihad Quliyev, 83), 44. Amir Bilali, 3. Dmitro Litvin, 7. Madi Queta (14. Suleyman Alluş, 67), 5. Gitay Sofir (10. David Qomis, 77), 21. Ayman Bouali (19. Samir Abdullayev, 67).

Ehtiyat oyunçular: 12. Əlirza Müştəbazadə, 25. Nicat Məmmədzadə, 6. Cabir Əmirli, 18. Süleyman Əhmədov, 15. Vüsal Məsimov, 16. Emin Rüstəmov.

Baş məşqçi: Şahin Diniyev

“Sabah”: 55. Nicat Mehbalıyev, 10. Namik Ələskərov, (77. Şakir Seyidov, 81), 4. Elvin Camalov (k) (9. Anatoli Nuriyev, 55), 2. Amin Seydiyev, 7. Boyan Letiç, 20. Coy Lens Mikels (88. Xəyal Əliyev, 81), 18. Pavol Safranko, 40. İqor Noqeyra (44. Sofian Çakla, 87), 70. Cesse Sekidika, 3. Con İrasabal, 13. İvan Lepiniça.

Ehtiyat oyunçular: 1. Yusif İmanov, 94. Rəvan Mirzəmmədov, 17. Tellur Mütəllimov, 5. Rəhman Daşdəmirov, 6. Abdulax Xaybulaev, 22. Abdulla Rzayev, 99. Neqoş Kupusoviç

Baş məşqçi: Krunoslav Renduliç

Misli Premyer Liqasında 7-ci turun oyunları keçirilib. "Səbail" doğma meydanda "Sabah"ı qəbul edib. Yüksək templə başlayan qarşılaşmada komandamız 4-cü dəqiqədə hesabı açmağa nail olub. Amir Bilali Qorka Laruççanın cərimə zərbəsindən göndərdiyi topu başla qapıya yollayıb. Bundan 4 dəqiqə sonra qonaqlar Coy-Lens Mikelsin qoli ilə hesabı bərabərləşdirib. 21-ci dəqiqədə İvan Lepiniçanın qolu ilə önə keçən Masazır təmsilçisi, 27-ci dəqiqədə Cesse Sekidika ilə üstünlüyü 2 topa çatdırıb. "Dənizçilər"in heyətində 39-cu dəqiqədə fərqlənən Rüfət Abdullazədə hesab arasındakı fərqi azaldıb. İlk hissə rəqibin üstünlüyü ilə başa çatıb. İkinci hissəyə yaxşı başlayan komandamız hesabı bərabərləşdirmək üçün rəqibin cərimə meydançası daxilində təzyiqi artırsa da, cəhdlər nəticəsiz qalıb. Matçın 76-cı dəqiqəsində qonaqlar penalti qazanıb. Pavol Safronko zərbəni dəqiq yerinə yetirib. Görüşdə başqa qol olmayıb və oyun "Sabah"ın 4:2 hesablı qələbəsi ilə yekunlaşıb.

Şahin Diniyev (“Səbail” PFK-nın baş məşqçisi): "Oyun haqda çox danışmaq istəmirəm. Dinamik matç idi. Qarşılıqlı hücumlar şəraitində keçən oyun oldu. Bəsit qollar buraxdıq. Üç qolu buraxmağa layiq deyildik. Heçnədən penalti verildi. "Sabah"ın keyfiyyətli oyunçuları oyunun taleyini həll etdi. Komandam öz səviyyəsinə uyğun futbol oynadı. Çox qol epizodları yaratdıq. Komandadan narazılığım yoxdur. İrəliyə baxmaq lazımdır. Komanda yaxşı futbol oynayır. Müdafiədə bəzi səhvlərimiz var. Uğurlu nəticələr qazanacağıq. Bir qələbədən sonra komandada özünəinam artacaq".