Akademiya üzvlərinə seminarlar keçirilib

"Səbail" Futbol Akademiyasının U-19, U-17, U-16 və U-15 komandalarının üzvlərinə 2024-cü il 24 dekabr tarixində “İrqçiliyə qarşı mübarizə” üzrə və "Danışılmış oyunlara qarşı mübarizə " proqramları üzrə seminarlar təşkil edilib. “ASCO Arena”nın akt zalında təşkil edilmiş tədbirlərdə gənc futbolçulara irqçiliyin insani keyfiyyətləri alçatması və bu halın oyun zamanı meydanda yaratdığı mənfi situasiyalarla bağı ətraflı məlumat verilib. Görüş zamanı adıçəkilən mövzularda xüsusi təqdimatlar edilib, videoçarxlar nümayiş olunub, maarifləndirici çıxışlar aparılıb, aidiyyəti üzrə mövzular geniş müzakirə olunmaqla yanaşı, gənc futbolçularla fikir mübadiləsi də aparılıb.