“Səbail” “Sumqayıt”a qalib gəlib

18 yanvar 2025. Saat 18:30. M.Hüseynzadə adına Sumqayıt şəhər stadionu, 600 tamaşaçı
Baş hakim: İnqilab Məmmədov
Baş hakimin köməkçiləri: Namiq Hüseynov, Rahil Ramazanov
Dördüncü hakim: Kamran Əliyev
VAR: Rauf Allahverdiyev
AVAR: Teymur Teymurov
Hakim-inspektor: Ramil Diniyev
AFFA nümayəndəsi: Elçin Məmmədov
Sarı vərəqələr: Giorgi Karaişvili, 44 (hakimin qərarına etiraz); Murad Xaçayev, 78 (qeyri-
idman hərəkəti) // İlkin Muradov, 7 (qeyri-idman hərəkəti); Süleyman Əhmədov, 83 (qeyri-
idman hərəkəti)
Qol: Rüfət Abdullazadə, 48, 79
Artırılan vaxt: I hissədə 1 dəq; II hissədə 5 dəq.

“Sumqayıt”: 1. Mehdi Cənnətov, 6.Vüqar Mustafayev (k)(8. Səbuhi Abdullazadə, 55), 14. Elvin Bədəlov, 2. Sertan Taşkın (7. Rövlan Muradov, 71), 17. Murad Xaçayev, 30. Kamran Quliyev, 24. Sənan Muradlı (20. Ayxan Süleymanlı, 60), 19. Roi Kehat, 12. Giorgi Karaişvili, 5. Alan Dias, 60. Tresor Mossi.

Ehtiyat oyunçular: 94. Rəşad Əzizli, 36. Xəyal Fərzullayev, 21. Nihad Əhmədzadə, 66. Ruslan Əliyev, 75. Nadir Orucov, 57. Hüseyn Fərəcli.

Baş məşqçi: Vaqif Cavadov

“Səbail”: 12. Əlirza Müştəbazadə, 96.İlkin Muradov (83. Nihad Quliyev, 89), 77. Fərid Nəbiyev (99. İnnosent Nşuti, 70) 18.Süleyman Əhmədov, 20.Mert Çelik, 11. Rüfət Abdullazadə (k) (97. Oruc Məmmədov, 83), 8. Qorka Laruçça, 3. Dmitro Litvin, 4. Marko Nikoliç, 7.Madi Queta, 14.Suleyman Alluş. 

Ehtiyat oyunçular: 1. Hüseynəli Quliyev, 25. Nicat Məmmədzadə, 22. Mirabdulla Abbasov, 19. Samir Abdullayev, 16.Emin Rüstəmov, 88. Hacıəli Şirəliyev, 10. David Qomis, 5. Gitay Sofir.

Baş məşqçi: Cavid Hüseynov

Misli Premyer Liqasında qış fasiləsi başa çatıb. Çempionatın 19-cu turunda “Səbail” səfərdə “Sumqayıt”la üz-üzə gəlib. Matça yaxşı başlayan tərəf komandamız olub. “Dənizçilər”  ilk hissədə bir neçə dəfə hesabı açmağa yaxın olsa da, fürsətlərdən yararlana bilməyib.  Birinci hissə 0:0 hesablı bərabərliklə yekunlaşıb. İkinci hissəyə yaxşı başlayan Cavid Hüseynovun komandası 48-ci dəqiqədə Rüfət Abdullazadənin qolu ilə görüşdə hesabı açıb.  24 yaşlı futbolçu 79-cu dəqiqədə özünün və komandasının 2-ci qolunu vuraraq komandamıza qələbə qazandırıb. 

Cavid Hüseynov (“Səbail” PFK-nın məşqçisi):  “Qış təlim-məşq toplanışından sonra ilk oyunumuz idi. Çempionatda yerimiz çox təhlükəlidir. Bizə ümid verən oyun, komanda, futbolçular var. Qış fasiləsindən maksimum yararlanmağa çalışdıq. Şükürlər olsun ki, bu gün meydandan qələbə ilə ayrıla bildik”.