"Səbail" "Qarabağ"la qarşılaşıb

"Səbail" - "Qarabağ" 1:4

11 aprel 2025. Saat 19:00. “ASCO Arena”, 1200 tamaşaçı
Baş hakim: Tural Qurbanov
Baş hakimin köməkçiləri: Asiman Əzizli, Rəhman İmami
Dördüncü hakim: Kamran Əliyev
VAR: Fərid Hacıyev
AVAR: Kamran Bayramov
Hakim-inspektor: İmanxan Sultani
AFFA nümayəndəsi: Elgiz Abbasov
Sarı vərəqə: yoxdur
Qollar: David Qomis, 72 // Abdullah Zubir, 17; Leandro Andrade, 19,53,65
Artırılan vaxt: I hissədə 2 dəq; II hissədə 2 dəq.


“Səbail”: 1. Hüseynəli Quliyev, 74. Yusif Nəbiyev (k), 18. Süleyman Əhmədov (7. Madi Queta, 67), 83. Nihad Quliyev, 19. Samir Abdullayev (96. İlkin Muradov, 61), 16. Emin Rüstəmov, 10. David Qomis (11. Rüfət Abdullazadə, 80), 3. Dmitro Litvin, 99. İnnosent Nşuti (97. Oruc Məmmədov, 61), 4. Marko Nikoliç (77. Fərid Nəbiyev, 61), 5. Gitay Sofir.

Ehtiyat oyunçular: 12. Əlirza Müştəbazadə 25. Nicat Məmmədzadə 67. Rəvan Abasov 88. Hacıəli Şirəliyev 44. Amir Bilali

Baş məşqçi: Elvin Məmmədov

“Qarabağ”: 99. Mateus Koxalski, 13. Bəhlul Mustafazadə, 44. Elvin Cəfərquliyev, 27. Toral Bayramov, 90. Nəriman Axundzadə (22. Musa Qurbanlı, 67), 10. Abdullah Zubir (k) (11. Emmanuel Addai, 67), 7. Yassin Benzia (19. Redon Cica, 73), 8. Marko Yankoviç (24. Aleksey İsayev, 67), 9. Kadi Borqes, 2. Mateus Silva, 15. Leandro Andrade (21. Aleksey Kaşuk, 73).

Ehtiyat oyunçular: 97. Fabian Buntiç, 12. Sadiq Məmmədzadə, 55. Bədavi Hüseynov,  30. Abbas Hüseynov, 29. Marko Veşoviç, 81. Kevin Medina, 66. Patrik Andrade.

Baş məşqçi: Qurban Qurbanov

Premyer Liqada 30-cu turun oyunları keçirilib. “Səbail” PFK “ASCO Arena”da lider “Qarabağ”I qəbul edib. Qarşılaşma Ağdam təmsilçisinin 4:1 hesablı üstünlüyü ilə başa çatıb. Komandamızın heyətində yeganə qolu 72-ci dəqiqədə David Qomis vurub. Qeyd edək ki, “Ümumdünya Antidopinq Agentliyi 2025-ci il 11 aprel tarixini “Ədalətli İdman Günü” elan edib. Bu günün əsas məqsədi dopinqə qarşı qlobal mübarizəyə diqqət çəkmək, idmançılar, idman ictimaiyyəti və geniş auditoriya arasında təmiz idman dəyərləri barədə maarifləndirməni artırmaqdır. Bu təşəbbüsə dəstək olaraq, Azərbaycan Milli Antidopinq Agentliyi 7–13 aprel tarixlərini ölkəmizdə “Ədalətli İdman Həftəsi” kimi qeyd edib. Peşəkar Futbol Liqası “Ədalətli İdman Həftəsi” çərçivəsində dəstəyini nümayiş etdirir. Məhz bu səbəbdən “Səbail” – “Qarabağ” qarşılaşmasına hər iki komanda meydana xüsusi pankartla çıxıb.

Elvin Məmmədov (“Səbail” PFK-nın məşqçisi): "Bilirdik ki, bizi ağır oyun gözləyir. "Qarabağ"ın gücü bəllidir. Uşaqlara təşəkkür edirəm ki, sona qədər mübarizə apardılar. Çatışmazlıqları bilirik. Bundan sonrakı oyunlara hazırlaşıb, maksimum nəticələr əldə etmək istəyirik. İnanırıq, sona qədər mübarizə aparacağıq".