Rahid Əmirquliyev karyerasını sonlandırdı

Azərbaycan futbolunun ən istedadlı nümayəndələrindən biri , 2018-ci ildən etibarən “Səbail” ilə birgə addımlayan Rahid Əmirquliyev futbolçu karyerasını bitirmək qərarına gəlib.

Əsl peşəkar, böyük kapitan və gözəl insan – klubumuz və ümumilikdə, futbolumuz üçün etdiklərin unudulmayacaq! Azərbaycan Premyer Liqasının və “Səbail” FK-nın heyətində ən çox oyun keçirən futbolçu kimi klubumuzun tarixinin önəmli bir səhifəsi olaraq qalacaqsan. Rahid Əmirquliyevin karyerasını “Səbail”də digər ampluada davam etdirməsi ilə bağlı hazırda danışıqlar aparılır.