“Səbail” PFK “Difai”ni 3 cavabsız qolla məğlub edib

Azərbaycan I Liqasında 10-cu tura yekun vurulub. “Səbail” PFK doğma meydanda “Difai” ilə üz-üzə gəlib. Adil Şükürovun yetirmələri rəqibi üzərində 3:0 hesablı qələbə qazanıb. Emil Qasımovun dubl etdiyi matçda digər qolun müəllifi isə Rəhman Hacıyev olub. Qeyd edək ki, “Səbail” PFK 11-ci turda “Şahdağ Qusar”ın qonağı olacaq. 18 dekabr tarixində Şamaxı OİK stadionunda keçiriləcək qarşılaşmaya saat 14:30-da start veriləcək.

I Liqa, 10-cu tur

“Səbail” - “Difai” 3:0

Qollar: Rəhman Hacıyev, 5; Emil Qasımov, 88; 90+4.