"Səbail" PFK II dövrənin hazırlığına yanvarın 6-da başlayacaq

"Səbail" PFK-nın qış hazırlıq planı məlum olub. Adil Şükürovun rəhbərlik etdiyi komanda təlim-məşq toplanışına yanvarın 6-da başlayacaq. Məşqlər "ASCO Arena"da keçiriləcək. Hazırlıq mərhələsi çərçivəsində "Səbail" PFK 3 yoxlama oyunu keçirməyi planlaşdırır. Yoxlama oyunlarındakı rəqiblər barəsində klubun rəsmi saytında və sosial media ünvanlarında məlumat veriləcək.