"Səbail" PFK "Neftçi" səfərindən 1 xalla qayıtdı

"Neftçi" - "Səbail" 1:1
14 avqust 2023. Saat 20:00. “Neftçi Arena”, 900 tamaşaçı
Baş hakim: Rauf Cabarov
Baş hakimin köməkçiləri: Cavanşir Yusifov, Zöhrab Abbasov
Dördüncü hakim: Səbuhi Bayramov
VAR: İnqilab Məmmədov
AVAR: Namiq Hüseynov
Hakim-inspektor: Orxan Məmmədov
AFFA nümayəndəsi: Məmmədəli Məmmədov
Sarı vərəqələr: Kenni Sayef, 40 (hakimin qərarına etiraz); Qara Qarayev, 74 (qeyri-idman hərəkəti); İsmayıl Zülfüqarlı, 90+3 (hakimin qərarına etiraz) // Yadin Luqasi, 32 (hakimin qərarına etiraz); Pedro Nuno, 74 (qeyri-idman hərəkəti); Süleyman Əhmədov, 80 (qeyri-idman hərəkəti); Adi Mehremiç, 80 (hakimin qərarına etiraz); Səlahət Ağayev, 85 (oyunun bərpasının ləngidilməsi) Rəsmi şəxsə göstərilən sarı vərəqə: Elmir Xankişiyev, 74 (“Səbail”) (qeyri-idman hərəkəti)
Qollar: Kenni Sayef, 82 (p.) // Pedro Nuno, 34
Artırılan vaxt: I hissədə 3 dəq; II hissədə 6 dəq.

“Neftçi”: 1. İvan Brkiç, 10. Filip Ozobiç, 8. Emin Mahmudov (k) (77. Yeqor Boqomolski, 69), 2. Qara Qarayev, 21. İsmayıl Zülfüqarlı 4. Mark Tamaş, 5. Kenni Sayef, 25. Aaron Olanare, 23. Ataa Caber, 44. Yuri Matias, 9. Andre Şinyaşiki (17. Rəhman Hacıyev, 59).
Ehtiyat oyunçular: 30. Aqil Məmmədov, 93. Rza Cəfərov, 3. Höccət Haqverdi, 19. Azər Salahlı 27. Fərid Yusifli, 37. Elton Əlibəyli, 41. Samir Həsənov, 82. Rüfət Abbasov, 99. Ervin Koffi, 11. Kilan Lebon.

Baş məşqçi: Adrian Mutu

“Səbail”: 1. Səlahət Ağayev, 10. Ağabala Ramazanov (k) (18. Süleyman Əhmədov, 59), 6. Cabir Əmirli 74. Yusif Nəbiyev, 88. Valdemar Almeyda, 4. Adi Mehremiç, 99. David Qomis (11. Rüfət Abdullazadə, 87), 90. Aleksandr Ramalinqom (19. Samir Abdullayev, 87), 27. Pedro Nuno, (21. Anas Najah, 78), 55. Nir Bardea, 44. Yadin Luqasi (8. Bahadur Həziyev, 59).
Ehtiyat oyunçular: 12. Hüseynəli Quliyev, 9. Amil Yunanov, 5. Adil Nağıyev, 17. Rafael Məhərrəmli, 38. Zeynəddin Abdurahmanov 34. Taleh Qarayev, 16. Emin Rüstəmov.

Baş məşqçi: Şahin Diniyev

Misli Premyer Liqasının 2023/24 mövsümünün ikinci turunda “Səbail” PFK “Neftçi” səfərinə yollanıb. “Neftçi Arena”da keçirilmiş görüş 1:1 hesablı bərabərliklə yekunlaşıb. Bu oyunda komandamızdan yeganə qola oyunun 34-cü dəqiqəsində portuqaliyalı yarımmüdafiəçimiz Pedro Nuno imza atıb. Qarşılaşmanın 82-ci dəqiqəsində isə “Neftçi”nin yarımmüdafiəçisi Kenni Sayef penalti zərbəsi ilə oyunun yekun hesabını müəyyənləşdirib.
Qeyd edək ki, “Səbail” PFK növbəti turda “ASCO Arena”da “Zirə”ni qəbul edəcək. Qarşılaşma 19 avqust saat 20:00-da start götürəcək.

Şahin Diniyev (“Səbail” PFK-nın baş məşqçisi): "Çox gərgin oyun oldu. Hər iki komanda oyunun gedişində qalib gələ də, məğlub ola da bilərdi. Qarşılıqlı hücumlar şəraitində keçən qarşılaşma idi. Komandada 7-8 oyunçu ilk dəfədir bir yerdə oynayır. Futbolçuların uyğunlaşması üçün 5-6 oyuna çıxmaq vacibdir. Taktiki cəhətdən ağıllı oynamağa və ötən turdakı səhvləri etməməyə çalışdıq. Bir neçə qol vəziyyətindən istifadə etsəydik, qalib də gələ bilərdik. Əslində, hesab oyuna görə oldu. Artıq iki turdur ki, olduqca asan qollar buraxırıq. İki oyundur isə ardıcıl qapımıza penalti təyin olunur. Düşünürəm ki, onbirmetrəlik cərimə zərbəsindən öncə “Neftçi”nin futbolçusu Kenni Sayef açıq ayaqla oynamışdı. Amma bu epizodda müdafiəçimiz cərimə meydançamızda daha sadə oynamalı idi. Bütün futbolçularıma əzmkarlığa görə təşəkkür edirəm, sona qədər mübarizə apardılar və rəqibin təzyiqinə dözdülər. Bir xal da xaldır. Bizim üçün başlanğıcdır”.