Komandamız "Qəbələ"yə qalib gəldi

7 oktyabr 2023. Saat 16:00. Qəbələ şəhər stadionu, 700 tamaşaçı
Baş hakim: Rəvan Həmzəzadə
Baş hakimin köməkçiləri: Cəmil Quliyev, Teymur Teymurov
Dördüncü hakim: Kamranbəy Rəhimov
VAR: Tural Qurbanov
AVAR: Namiq Hüseynov
Hakim-inspektor: Anar Salmanov
AFFA nümayəndəsi: Aslan Şahgəldiyev
Sarı vərəqələr: Emil Səfərov, 70 (qeyri-idman hərəkəti); Ahmed Ayzaya, 80 (qeyri-idman hərəkəti) // Süleyman Əhmədov, 31 (qeyri-idman hərəkəti)
Qol: Rüfət Abdullazadə, 90+5
Artırılan vaxt: I hissədə - yoxdur; II hissədə - 5 dəq.

“Qəbələ”: 1. Rəşad Əzizli, 2. İlkin Qırtımov (k), 5. Rauf Hüseynli, 7. Emil Səfərov, 20. Bilel Auaşeriya (17. Yaovi Akakpo, 87), 4. Lukas Afriko, 3. Zurab Oçiqava (28. Murad Musayev, 57), 99. Ahmed Ayzaya, 9. Əyyub Allaş (18. Mehrac Baxşalı, 87), 72. Osama Xalayla (19. Samuel Tetteh, 70), 10. Omar Hani (14. Ülvi İsgəndərov, 70).

Ehtiyat oyunçular: 36. Elməddin Sultanov, 94. Həbib Hüşənov, 11. Asif Məmmədov, 34. Urfan Abbasov, 12. Nicat Əliyev, 33. Hüseyn Mürsəlov

Baş məşqçi: Elmar Baxşıyev

“Səbail”: 1. Səlahət Ağayev, 6. Cabir Əmirli (k), 74. Yusif Nəbiyev, 18. Süleyman Əhmədov (10. Ağabala Ramazanov, 75), 88. Valdemar Almeyda (8. Bahadur Həziyev, 61), 4. Adi Mehremiç, 99. David Qomis (11. Rüfət Abdullazadə, 87), 90. Aleksandr Ramalinqom, 55. Nir Bardea, 21. Anas Najah (19. Samir Abdullayev, 87) 44. Yadin Luqasi.

Ehtiyat oyunçular:

12. Hüseynəli Quliyev, 9. Amil Yunanov, 5. Adil Nağıyev, 17. Rafael Məhərrəmli, 3. Silvayin Deslandes.

Baş məşqçi: Şahin Diniyev

Misli Premyer Liqasında 9-cu turun oyunları keçirilib. "Səbail" səfərdə "Qəbələ" ilə üz-üzə gəlib. Qəbələ şəhər stadionunda keçirilən matçda qalib tərəf komandamız olub. Şahin Diniyevin yetirmələri rəqibini 1:0 hesabı ilə məğlub edib. "Dənizçilər"in görüşün son dəqiqəsində vurduğu qola Rüfət Abdullayev imza atıb. Bununla da "Səbail" ilk dövrəni qələbə ilə başa vurub. Komandamız məğlubiyyətsizlik seriyasını 6 matça çıxarıb. Qeyd edək ki,  "Dənizçilər" çıxdığı 9 qarşılaşmanın hər birində qol vurmağı bacarıb.

Şahin Diniyev (“Səbail” PFK-nın baş məşqçisi): "Çətin oyun oldu. Komandanın ilk hissədə nəfəs almaq problemi var idi. Futbolçular qaça bilmirdi. Problemlərimiz çox idi. Komandam ağıllı futbol oynayaraq, qol epizodunu gözləyib kiçik epizoddan uğurla çıxdı. Hər bir futbolçuma təşəkkür edirəm. İlk dövrə bitib. 9 tura belə nəticəni heç kim gözləməzdi, heç özüm də. Futbolçular xarakter göstərdi. "Qəbələ" oyun baxımından çox artırıb. Yaxşı oynayırlar. Anlayırdıq ki, "Qəbələ" hücumda daha kreativ oynamağa, daha çox hücum etməyə çalışacaq. İki-üç qol epizodumuz var idi, istifadə edə bilərdik. Heç-heçə də ədalətli nəticə olardı. Amma hansı komanda udsaydı da, ədalətli alınardı. Hər iki komanda qələbəyə layiq oynadı. "Qəbələ"yə uğurlar arzulayıram".