Futbolçularımız milli komandaya dəvət alıb

“Səbail” PFK-nın iki futbolçusu Azərbaycan milli komandasına dəvət alıb. 

Oktyabrın 9-dan 16-dək təlim-məşq toplanışında olacaq Azərbaycan milli komandasının heyəti açıqlanıb. “Səbail” PFK-nın 2 futbolçusu - Səlahət Ağayev və Yusif Nəbiyev yuxarıda qeyd olunan toplanışda iştirak etmək üçün milli komandaya dəvət alıb. Qeyd edək ki, millimiz AVRO-2024-ün seçmə mərhələsi çərçivəsində oktyabrın 13-də Tallində Estoniya və oktyabrın 16-da Bakıda Avstriya millisi ilə qarşılaşacaq.

Bundan başqa Samir Abdullayev və Zeynəddin Abdurahmanov U-21 millisinə, Adəm Topalov və Zaman Zamanlı isə 19 yaşlı futbolçulardan ibarət Azərbaycan milli komandasına çağırılıblar. Qeyd edək ki, yarımmüdafiəçilər - Adəm Topalov və Zaman Zamanlı "Səbail-2" komandasında çıxış edirlər.