"Səbail" PFK təlim-məşq toplanışının ikinci mərhələsini başa vurub. İyulun 9-da Türkiyəyə yollanan komandamız iyulun 24-də vətənə qayıdıb. "Dənizçilər" 14 günlük toplanışda 3 yoxlama oyunu keçirib. İlk görüşdə yerli "Erzurumspor" komandası ilə üz-üzə gələn komandamız rəqibinə 4:3 hesabı ilə qalib gəlib. "Dənizçilər" ikinci matçda Superliqa təmsilçisi "Sivasspor"la 1:1 hesablı bərabərliklə razılaşıb. Üçüncü və son oyunda "Konyaspor"u 2:0 hesabı ilə məğlub edən komandamız Ərzurum toplanışını 2 qələbə, 1 heç-heçə ilə başa vurub.