"Səbail" "Zirə" ilə heç-heçə edib

28 oktyabr 2023. Saat 16:00. Zirə İdman Kompleksinin stadionu, 800 tamaşaçı
Baş hakim: Rauf Cabarov
Baş hakimin köməkçiləri: Namiq Hüseynov, Müslüm Əliyev
Dördüncü hakim: Kamran Əliyev
VAR: Tural Qurbanov
AVAR: Kamranbəy Rəhimov
Hakim-inspektor: Barış Şimşek
AFFA nümayəndəsi: Eldəniz Musayev
Sarı vərəqə: Pyer Zebli, 87 (qeyri-idman hərəkəti); Qismət Alıyev, 87 (qeyri-idman hərəkəti); Məqsəd İsayev, 89 (hakimin qərarına etiraz) // Adi Mehremiç, 75 (qeyri-idman hərəkəti)
Qollar: İssa Cibrila, 19; Rüstəm Əhmədzadə, 79 // Pedro Nuno, 31, 34
Artırılan vaxt: I hissədə 4 dəq; II hissədə 4 dəq.

“Zirə”: 97. Tiaqo Silva, 77. Məqsəd İsayev, 10. Rəhim Sadıxov, 32. Qismət Alıyev (k), 11. Rüstəm Əhmədzadə, 4. Ruan Renato, 44. Dmitrios Çantakias, 70. İssa Cibrila (9. Vladislav Kulaç, 46), 15. Pyer Zebli, 28. Abbas İbrahim (23. Andriya Lukoviç, 46), 19. Salifu Suma.

Ehtiyat oyunçular: 41. Anar Nəzirov, 50. Səlim Həşimov, 8. İlkin Muradov, 21. Hacıağa Hacılı, 16. Fuad Bayramov, 66. Pərviz Azadov, 52. Emil Bayramov, 99. Nazim Həsənzadə, 46. Taleh Fərmanov, 64. Mahmud Ağayev.

Baş məşqçi: Rəşad Sadıqov

“Səbail”: 1. Səlahət Ağayev (k), 74. Yusif Nəbiyev (17. Rafael Məhərrəmli, 85), 18. Süleyman Əhmədov, 11. Rüfət Abdullazadə (44. Yadin Luqasi, 67), 88. Valdemar Almeyda (9. Amil Yunanov, 85), 4. Adi Mehremiç, 99. David Qomis, 90. Aleksandr Ramalinqom (8. Bahadur Həziyev, 76) 27. Pedro Nuno
(10. Ağabala Ramazanov, 67), 55. Nir Bardea, 21. Anas Najah.

Ehtiyat oyunçular: 12. Hüseynəli Quliyev, 5. Adil Nağıyev, 19. Samir Abdullayev, 38. Zeynəddin Abdurahmanov, 34. Taleh Qarayev, 16. Emin Rüstəmov, 3. Silvayin Deslandes.

Baş məşqçi: Şahin Diniyev

Misli Premyer Liqasında 11-ci turda "Səbail" səfərdə "Zirə" ilə qarşılaşıb. Oyunda hesabı rəqib açıb. Qarşılaşmanın 31-ci dəqiqəsində Pedro Nuno baxımlı qolla hesabı bərabərləşdirib. Portuqaliyalı futbolçu 34-cü dəqiqədə yenidən fərqlənməklə komandamızı önə çıxarıb. İkinci hissəyə hücumlarla başlayan komandamız bir neçə əlverişli vəziyyətdən yararlana bilməyib. Qarşılaşmanın 79-cu dəqiqəsində Rüstəm Əhmədzadənin qolu "Zirə" hesabı bərabərləşdirib. Bununla da, "Səbail" "Zirə" ilə qarşılaşmada 1 xalı aktivinə yazıb.

Şahin Diniyev (“Səbail” PFK-nın baş məşqçisi): "Maraqlı oyun oldu. Azarkeşlər çox qol gördülər. Birinci hissə bizim, ikinci hissə "Zirə"nin üstünlüyü oldu. "Zirə" çox yaxşı təşkilatlanmış komandadır, müdafiədə boşluqlar vermir. İlk yarıda bu boşluqları tapa bildik. Daha bir neçə qol epizodumuz oldu, sadəcə bir az məsuliyyətli yanaşmadıq. İkinci yarıda komanda psixoloji baxımdan oturdu və hesabı saxlamağa çalışdı. Futbol da belə şeyləri sevmir. Bəlkə də, 11 oyunda mənim ən xoşuma gəlməyən bugünkü ikinci 45 dəqiqə idi. Futbolçularımdan geridə qalmış 10 oyunda niyə xoşum gəlir? Rəqibin kimliyindən asılı olmayaraq üç xal üçün oynayırıq. Futbolçuların gözləri yanır. Amma bu gün ikinci yarıda onu görmədim. Komanda oturdu və buna görə mütləq cəzalandırılmalıydıq ki, o da oldu. "Zirə"yə uğurlar arzulayıram, Rəşad Sadıqov intizamlı komanda qurub. "Zirə" nə etmək istədiyini bilən komandadır. Bəlkə də, səfərdə liderdən bir xal almaq sevindirici hal ola bilərdi. Amma mən hər dəfə nəticədən çox, oyunun keyfiyyətinə fikir verən məşqçilərdənəm. O sarıdan ikinci hissə məni çox məyus etdi. İrəli baxmalı, gələcək oyunlara hazırlaşmalıyıq.".