"Səbail" Turan Tovuz"a qalib gəlib

3 noyabr 2023. Saat 19:00. “ASCO Arena”, 1000 tamaşaçı
Baş hakim: Kamranbəy Rəhimov
Baş hakimin köməkçiləri: Kamran Bayramov, Cəmil Quliyev
Dördüncü hakim: Rauf Allahverdiyev
VAR: Əliyar Ağayev
AVAR: Zeynal Zeynalov
Hakim-inspektor: Babək Quliyev
AFFA nümayəndəsi: Məmmədəli Məmmədov
Sarı vərəqələr: Səlahət Ağayev, 38 (qeyri-idman hərəkəti) // Roderik Miller, 54 (qeyri-idman hərəkəti); Denis Marandiçi, 75 (qeyri-idman hərəkəti); Faiq Hacıyev, 90+3 (qeyri-idman hərəkəti); Bruno Qonçalves, 90+4 (qeyri-idman hərəkəti); Şəhriyar Əliyev, 90+4 (hakimin qərarına etiraz)
Qollar: Rüfət Abdullazadə, 47; Aleksandr Ramalinqom, 78 (p.) // Otto Con, 27
Artırılan vaxt: I hissədə 5 dəq; II hissədə 7 dəq.

“Səbail”: 1. Səlahət Ağayev, 10. Ağabala Ramazanov (k) (11. Rüfət Abdullazadə, 45+1), 74. Yusif Nəbiyev, 18. Süleyman Əhmədov (17. Rafael Məhərrəmli, 9), 88. Valdemar Almeyda, 4. Adi Mehremiç, 99. David Qomis (44. Yadin Luqasi, 72), 90. Aleksandr Ramalinqom, 27. Pedro Nuno, 55. Nir Bardea, 21. Anas Najah. 

Ehtiyat oyunçular: 12. Hüseynəli Quliyev, 9. Amil Yunanov, 8. Bahadur Həziyev, 19. Samir Abdullayev, 38. Zeynəddin Abdurahmanov, 34. Taleh Qarayev, 16. Emin Rüstəmov, 3. Silvayin Deslandes.

Baş məşqçi: Şahin Diniyev

“Turan Tovuz”: 13. Aydın Bayramov, 2. Sertan Taşkın (99. Veysəl Rzayev, 65), 10. Xəyal Nəcəfov (k) (4. Şəhriyar Əliyev, 80), 88. Faiq Hacıyev , 77.Fərid Nəbiyev (11. Ayxan Quseynov, 65), 5. Roderik Miller, 23. Alexandro Serrano, 7. Luis Paçu, 25. Denis Marandiçi, 6. Bruno Qonçalves, 80. Otto Con, (9. Belajdi Pusi, 80)

Ehtiyat oyunçular: 1. Tərlan Əhmədli, 85. Kamal Bayramov, 3. Tərlan Quliyev, 39. Sadiq Quliyev, 60. Səbayıl Bağırov, 57. Cavid Qasımov, 15. Emmanuel Hakman

Baş məşqçi: Ayxan Abbasov

Misli Premyer Liqasında 12-ci turun oyunları keçirilib. "Səbail" "ASCO Arena"da "Turan Tovuz"la üz-üzə gəlib. Gərgin keçən qarşılaşmada hesabı açan tərəf qonaqlar olub. Tovuz təmsilçisinin qoluna 27-ci dəqiqədə fərqlənən Otto Con müəlliflik edib. İlk hissə 0:1 hesabı ilə yekunlaşıb. İkinci hissəyə sürətli başlayan "dənizçilər"  47-ci dəqiqədə Rüfət Abdullazadənin qolu ilə hesabı bərabərləşdirib. Komandamızın qələbə qoluna Aleksandr Ramalinqom imza atıb. Hücumçu 78-ci dəqiqədə penaltini dəqiq yerinə yetirib. O, bununla da cari mövsümdə qollarının sayını 6-ya çatdırıb.

Şahin Diniyev (“Səbail” PFK-nın baş məşqçisi): "Çox gərgin, dramatik oyun idi. Komanda xarakter göstərdi. Nəticə ikinci plandadır. Əsas futbolçular sağlam olsun. İlk yarıda oyun "Turan Tovuz"un, ikinci hissə bizim tərəfimizdə idi. İlk yarıda futbolçular panikadaydı, ritmdən düşmüşdülər. Fasilədə sakit formada danışdıq. Bunu bacardıq. Beyin sakitləşəndən sonra bədən istədiyini edə bilir. Fasilədən sonra çox yaxşı oynadıq. Rəqib də yaxşı oynadı. Gözləməzdim ki, ilk yarıda belə aqressiv olarlar. Onlara uğurlar arzulayıram. Komandama təşəkkür edirəm ki, döyüşdülər, özlərində güc tapdılar. Bir çox qol epizodlarımız da var idi. Təsadüfən yox, layiqli qələbə qazandıq. 12-ci turdur ki, hər oyunda qol vurmağa çalışırıq. Hücumda çoxluq varsa, müdafiədə azlıqda qalmağa məhkumuq. Çox qol buraxmağımız da bununla bağlıdır".