“Səbail” üzvləri Reabilitasiya Mərkəzində!

“Səbail” PFK-nın üzvləri Bakının Nizami rayonunda yerləşən “Daun Sindromlu Şəxslərin Reabilitasiya Mərkəzi”ni ziyarət ediblər. Daun sindromlu uşaqların cəmiyyətə inteqrasiyasına dəstək olmaq və onların sosial bacarıqlarını artırmaq məqsədilə klubun əməkdaşları və komandamızın futbolçuları Yusif Nəbiyev, Rəfael Məhərrəmli, Adi Mehremiç və Anass Najah tədbirdə iştirak edib. Görüş zamanı komandamızın üzvləri mərkəzdə təhsil alan uşaqlarla müxtəlif tipli idman yarışları keçirib. Sonda xatirə fotosu çəkdirilib.