"Səbail" PFK "Zirə" ilə qarşılaşıb

"Səbail" - "Zirə" 1:2
19 avqust 2023. Saat 20:00. “ASCO Arena”, 700 tamaşaçı
Baş hakim: İnqilab Məmmədov
Baş hakimin köməkçiləri: Namiq Hüseynov, Teymur Teymurov
Dördüncü hakim: Fərid Hacıyev
VAR: Rauf Allahverdiyev
AVAR: Akif Əmrəli
Hakim-inspektor: Rəhim Həsənov
AFFA nümayəndəsi: Rüfət Əmirov
Sarı vərəqələr: Ağabala Ramazanov, 64 (qeyri-idman hərəkəti); Cabir Əmirli, 78 (qeyri-idman hərəkəti) / Qismət Alıyev, 70 (qeyri-idman hərəkəti); Pərviz Azadov, 90+3 (oyunun bərpasının ləngidilməsi)
Qollar: Yadin Luqasi, 31 // Salifu Suma, 16; Filipe Paxtman, 82
Artırılan vaxt: I hissədə 1 dəq; II hissədə 5 dəq.

“Səbail”: 1. Səlahət Ağayev, 10. Ağabala Ramazanov (k) (18. Süleyman Əhmədov, 69), 6. Cabir Əmirli 74. Yusif Nəbiyev, 88. Valdemar Almeyda, 4. Adi Mehremiç, 99. David Qomis (11. Rüfət Abdullazadə, 87), 90. Aleksandr Ramalinqom (9. Amil Yunanov, 76), 27. Pedro Nuno, (21. Anas Najah, 76), 55. Nir Bardea, 44. Yadin Luqasi (8. Bahadur Həziyev, 46).
Ehtiyat oyunçular: 12. Hüseynəli Quliyev, 9. Amil Yunanov, 5. Adil Nağıyev, 17. Rafael Məhərrəmli, 38. Zeynəddin Abdurahmanov 34. Taleh Qarayev, 16. Emin Rüstəmov.

Baş məşqçi: Şahin Diniyev

“Zirə”: 97. Tiaqo Silva, 77. Məqsəd İsayev (16. Fuad Bayramov, 81), 10. Rəhim Sadıxov (11. Rüstəm Əhmədzadə, 65), 32. Qismət Alıyev (k), 20. İsmayıl İbrahimli , 9. Vladislav Kulaç (28. Abbas İbrahim, 65), 4. Ruan Renato, 44. Dmitrios Çantakias, 15. Pyer Zebli, 6. Eldar Quliyev (7. Filipe Paxtman, 81), 19. Salifu Suma (5. Stefan Aka, 90+2).

Ehtiyat oyunçular: 41. Anar Nəzirov, 50. Səlim Həşimov, 21. Hacıağa Hacılı, 66. Pərviz Azadov, 23. Andriya Lukoviç, 17. Toni Qomes

Baş məşqçi: Rəşad Sadıqov

Misli Premyer Liqasında 3-cü turun oyunları keçirilib. Komandamız doğma meydanda "Zirə" ilə qarşılaşıb. Görüş qonaqların 1:2 hesablı qələbəsi ilə yekunlaşıb. "Dənizçilərin" heyətində yeganə qolun müəllifi Yadin Luqasi olub.

Şahin Diniyev (“Səbail” PFK-nın baş məşqçisi): "Oyun gərgin. Əsl Premyer Liqaya layiq matç izlədik. Birinci hissədə "Zirə", ikinci hissədə biz üstün olduq. Oyunun ən yaxşı nəticəsi heç-heçə idi. Hər iki komanda buna layiq idi. "Zirə"ni qələbə münasibəti ilə təbrik edirəm. İlk yarıda oyunumuz alınmadı. Fasilədən sonra alınmağa başlayırdı. Yenə asan qollar buraxdıq. Üç oyunda eyni səhvlər, eyni asan qollar... Komanda düz yoldadır, oyundan-oyuna artım var, öz oyunumuzu tapacağıq. Birdən-birə 8-9 yeni futbolçu gəlib, zamana ehtiyacımız var. Amma o qədər çox yox, kiçik zamana. Məncə, 4-5 turdan sonra komanda sistemə oturuşacaq, öz oyununu oynamağa çalışacaq. Futbolçularıma təşəkkür edirəm, mübarizə apardılar, ən yaxşısını etməyə çalışdılar, əsasən də ikinci hissədə ağıllı oynadılar. Gələcək matçlarda bu səhvləri yığışdırıb, minimuma endirərək, qələbə qazanmağa çalışacağıq".