"Səbail" "Qəbələ" ilə qarşılaşıb

6 may 2024. Saat 19:00. “ASCO Arena”, 200 tamaşaçı
Baş hakim: Əli Əliyev
Baş hakimin köməkçiləri: Cəmil Quliyev, Eyyub İbrahimov
Dördüncü hakim: Rəvan Həmzəzadə
VAR: Rəşad Əhmədov
AVAR: Namiq Hüseynov
Hakim-inspektor: Vüsal Əliyev
AFFA nümayəndəsi: Namiq Əliyev
Sarı vərəqələr: Yadin Luqasi, 67 (qeyri-idman hərəkəti) // Zurab Oçiqava, 14 (qeyri-idman hərəkəti); Emil Səfərov, 62 (oyunun bərpasının ləngidilməsi); İbrahim Ramazanov, 83 (qeyri-idman hərəkəti)
Qollar: Aleksandr Ramalinqom, 17 (p.); Pedro Nuno, 40 (p.) // Osama Xalayla, 20, 56 (p.); Əyyub Allaş, 32
Artırılan vaxt: I hissədə 2 dəq; II hissədə 4 dəq.

“Səbail”: 1. Səlahət Ağayev, 5. Adil Nağıyev (k), 17. Rafael Məhərrəmli, 11. Rüfət Abdullazadə (74. Yusif Nəbiyev, 60), 88. Valdemar Almeyda, (7. Madi Queta, 60), 9. Aleksandr Ramalinqom (4. Adi Mehremiç, 85), 27. Pedro Nuno, 3. Silvayin Deslandes, 21. Anas Najah, 44. Yadin Luqasi (77. Ayub Masika, 75), 14. Suleyman Alluş (19. Samir Abdullayev, 75).

Ehtiyat oyunçular: 12. Hüseynəli Quliyev, 10. Ağabala Ramazanov, 6. Cabir Əmirli, 15. Vüqar Həsənov, 8. Bahadur Həziyev, 18. Süleyman Əhmədov, 55. Nir Bardea.

Baş məşqçi: Şahin Diniyev
 

“Qəbələ”: 1. Rəşad Əzizli, 34. Urfan Abbasov (k), 12. Nicat Əliyev, 7. Emil Səfərov (97. Emil Süleymanov, 90+2), 25. İbrahim Ramazanov, 30. Şahin Şahniyarov (11. Asif Məmmədov, 82), 27. Eşqin Əhmədov, 10. Klesio Bauk (20. Bilel Auaşeriya, 66), 3. Zurab Oçiqava, 9. Əyyub Allaş (17. Yaovi Akakpo, 82), 72. Osama Xalayla.

Ehtiyat oyunçular: 13. Kristof Atanqana, 36. Elməddin Sultanov, 2. İlkin Qırtımov, 71. Sənan Ağalarov, 99. Ahmed Ayzaya, 19. Samuel Tetteh.

Baş məşqçi: Kaxaber Tsxadadze

Misli Premyer Liqasında 33-cü turun oyunları keçirilib. Turun qapanış matçında "Səbail"  "Qəbələ" ilə qarşılaşıb. "ASCO Arena" baş tutan görüşdə hesabı komandamız açıb. 17-ci dəqiqədə Aleksandr Ramalinqom penalti zərbəsini dəqiq yerinə yetirib. Qoldan dərhal sonra "dənizçilər" hesab arasındakı fərqi artırmağa yaxın olsa da, fürsətdən yararlana bilməyib. Osama Xalaylanın 20-ci dəqiqədəki qolu ilə rəqib hesabı bərabərləşdirib. Oyunun 32-ci dəqiqəsində Əyyub Allaş "Qəbələ"ni önə keçirib. Lakin komandamız qoldan sonra təzyiqi artıraraq rəqibi səhv etməyə məcbur edib. 40-cı dəqiqədə Şahin Dinyevin yetirmələri penalti qazanıb. Bu dəfə topun arxasına Pedro Nuno keçib. Portuqaliyalı oyunçu zərbəni dəqiq yerinə yetirib. İlk hissə 2:2 hesablı bərabərliklə yekunlaşıb. İkinci hissə qarşılıqlı hücumlarla başlayıb. Lakin qarşılaşmanın 56-cı dəqiqəsində rəqib penalti qazanıb. Osama xalayla zərbəni qola çevirərək komandasını hesabda önə çıxarıb. Qalan dəqiqələrdə başqa qol olmayıb və matç rəqibin qələbəsi ilə başa çatıb.

Şahin Diniyev (“Səbail” PFK-nın baş məşqçisi):  "Deyiləcək bir söz yoxdur. Oyuna yaxşı hazırlaşmışdıq, amma istədiyimiz kimi alınmadı. Bəlkə də, mövsümün ən zəif oyununu oynadıq. "Qəbələ" daha istəkli idi. Əslində, əskinə olmalıydı, şanslarımız qalmalıydı. Bu gün artıq avrokubok şansı yoxdur. Futbolda hər şey olur, qəbul etmək lazımdır. Yolumuza davam edəcəyik. "Qəbələ"ni təbrik edirəm. İstədiyimi isə ala bilmədim".